Mga biktima sa katalagman ipaapil sa 4Ps – Sen. Poe

Bisaya - - Sweet Jazmine -

GITINGUHA ni Sen. Grace Poe nga angayng adunay slots sa Conditional Cash Transfer (CCT) program nga nailhan sab nga Pantawid Pamilyang Pilipino Program (4Ps) ang mga biktima sa grabeng katalagman.

Gusto ni Poe nga ihatag ngadto sa mga biktima sa natural calamities sama sa bagyo ug baha ang lima ka porsento sa CCT.

“That means for every one million CCT enrollees, we are keeping 50,000 in reserve, for those who will be displaced in the future,” matod ni Poe.

Mingkabat sa P88 bilyones ang gigahin alang sa 4Ps sa 2019 National Budget.

Miingon sab si Poe nga isip usa sa mga nasod nga kanunayng maigo sa grabeng katalagman o kalamidad kinahanglang naandam na ang mga angayng buhaton alang sa mga nahiagom o mahiagom niini.

Dugang sa senadora nga makadawat og regular nga tabang ang mga biktima sa mga katalagman kon awtomatik nga iapil sila sa listahan sa national budget.

Ang mga requirement sa pagpili og mga regular nga membro sa 4Ps mao ra usab ang sa pagpamili og mga benepisyaryo sa mga disaster 4Ps recipient.

“Sila ‘yung mahirap na nga, binagyo pa. Walang-wala na nga, minalas pa. Those who are poor to begin with are the most vulnerable when disaster strikes. These are the financially bankrupt. ‘Yung kaunti ang ari-arian, inanod pa,” nagkanayon ang senadora.—

Newspapers in Cebuano

Newspapers from Philippines

© PressReader. All rights reserved.