MAS SUSTANSIYADO ANG Brown Rice

Bisaya - - Showbiztsika - Ni ZAC B. SARIAN

USA sa mga adbokasiya karon ni Alfonso G. Puyat ang pagpananom og mga barayti sa humay nga kubos og amylose content aron makatabang sa tuyo nga makabaton ang nasod og igong suplay sa bugas. Ang gitawag og low amylose nga mga barayti mao kanang humok ug lumoy kaonon kon malung-ag na. Kining maong mga barayti nagbaton og 18 porsentong amylose o mas kubos pa.

Matod ni G. Puyat, usa ka magpapatigayon nga mahiligon sa panguma, angay nga ang

kagamhanan mohatag og insentibo alang sa mga mag-uumang nananom og low-amylose nga barayti. Ngano? Sanglit kining maong matang sa mga humay sibo nga galingon isip tabunong humay ( brown rice) nga gitawag usab sa uban og pinawa.

Matod ni Puyat, dako ang ikadugang sa tabunong humay sa seguridad sa pagkaon sa atong nasod. Sa unsang paagi? Buyno, naghimo si Puyat og usa ka panukiduki nga nagpamatuod nga dako ang madugang sa suplay sa bugas kon ang galingon nga tipasi himoong tabunong humay ( brown rice).

Nagkuha siya og usa ka kilong tipasi ug gipagaling isip well-milled white rice kun kanang gipaputi nga bugas. Sa dihang gigaling ang usa ka kilong tipasi aron himoong tabunong humay, nakakuha siyag 780 gramos. May nahidugang nga 130 gramos sa nakuhang bugas sa usa ka kilo lang nga tipasi. Sa usa ka sako nga motimbang og 50 kilos, ang dugang nga

Ang tagsulat ug ang barayti sa humay nga tanom ni Baby Spowart sa Isabela. Kining maong barayti maayong himoong tabunong humay.

Si Alfonso G. Puyat uban sa iyang produktong abono.

Ang usa ka kilong tipasi nga low-amylose.

Newspapers in Cebuano

Newspapers from Philippines

© PressReader. All rights reserved.