(ANG INYONG KAPALARAN SA OKTUBRE 17 - 23, 2018)
PISCES – (Pebrero 20 – Marso 20) – Makamatngon ka na sa nahimo mong kasaypanan. Ipadayon mo ang imong plano nga manrabaho sa layo. Way makababag sa imong gitinguha. Kinahanglan nga molingi ka sa imong gigikanan. Makasinati kag relasyon nga magmalipayon. Domingo ang suwerte mong adlaw ug 4, 3, 5 ang palaran mong numero.
ARIES – (Marso 21 – Abril 20) – Niining semanaha matapos na ang imong proyekto sa di pa moabot ang dedlayn. Daghan ang mokuha sa imong serbisyo kay pulido kang motrabaho. Mapalapdan mo ang imong panabot sa dagan sa kinabuhi. Makasinati kag lahing kalalim. Suwerte mong adlaw ang Sabado ug palaran mong numero ang 8, 5, 6.
TAURUS – (Abril 21 – Mayo 21) – Mohatag kag pabor sa kanhing nakatabang kanimo. Moapil ka sa kalihokan sa simbahan. Makabaton kag kalinaw sa imong hunahuna human mo madungog ang tambag sa imong inahan. Makahibalag kag binuhat nga mounong kanimo. Miyerkoles ang suwerte mong adlaw ug 2, 4, 9 ang palaran mong numero.
GEMINI – (Mayo 22 – Hunyo 21) – Niining semanaha daghan ang makamatikod sa talagsaon mong awra. Di malalis nga molutaw ang imong madanihong pamayhon. Mogahin kag panahon alang sa aktibidad nga relihiyoso. Makapiyong kas tumang katagbaw. Suwerte mong adlaw ang Huybes ug palaran mong numero ang 5, 3, 4.
CANCER – (Hunyo 22 – Hulyo 22) – Di nimo tugbangan ang panaway sa imong silingan. Gikasinahan ka lang niini. Palabya lamang kini. Magpabilin kang mabination sa imong isigkaingon. Daghang makagusto sa imong bagong disenyo. Kusog ang imong karisma. Lunes ang suwerte mong adlaw ug 6, 9, 8 ang palaran mong mga numero.
CAPRICORN – (Disyembre 22 – Enero 21) – Andam ka nang moatubang sa mga pagsulay sa kinabuhi. Di ka molugak sa pag-ampo. Kini ang paagi nga masulbad ang imong kapobrehon. Buligan ka sa Kahitas-an sa kinasingkasing mong pag-ampo. Mainit ang romansa. Huybes ang palaran mong adlaw ug 6, 1, 8 ang palaran mong mga numero.
LEO – (Hulyo 23 – Agosto 23) – Niining semanaha mahapsay na ang nagkasalinggubot mong eskedyul. Unahon mo ang labing importante. Hatagan mog atensiyon ang gipangayo sa imong minahal. Giyahan mo siya sa iyang pagalaktan. Dugosnon ang romansa. Suwerte mong adlaw ang Martes ug palaran mong numero ang 7, 3, 2.
VIRGO – (Agosto 24 – Septiyembre 23) – Madasig kang motuman sa imong kaakohan sa simbahan. Daghan ang makauyon sa maayo mong batasan. Di ka makabalibad sa mohangyo kanimo. Matuman mo ang imong gipangandoyng ambisyon. Sundon mo kon unsa ang idiktar sa pagbati. Biyernes ang suwerte mong adlaw ug 4, 5, 6 ang palaran mong numero.
LIBRA – (Septiyembre 24 – Oktubre 23) – Niining semanaha mogamit kag laing pangartiyo aron mausab ang dagan sa imong kinabuhi. Di ka magpasagad sa imong kaakohan. Mopabor kanimo ang kahigayonan. Moapil kag kalihokang relihiyoso. Masum-ok kag malungtarong relasyon. Suwerte mong adlaw ang Miyerkoles ug palaran mong numero ang 7, 1, ug 2.
SAGITTARIUS – (Nobiyembre 23 – Disyembre 21) – Niining semanaha hugtan mo ang imong bakos sa pagbadyet. Adunay kalit nga galastohang imong atubangon. Kinahanglan nga mangita kag diskarte nga masulbad kining maong problema. Mangayo kag pakitabang sa Ginoo. Suwerte mong adlaw ang Lunes ug palaran mong numero ang 1, 9, 2.
SCORPIO – (Oktubre 24 – Nobiyembre 22) – Masaligon kang magmalamposon sa damlag. Modugang kag puhunan sa imong negosyo. Moasenso ang imong patigayon. Magtigom kag kantidad alang sa imong kaugmaon. Makaamgo ka sa sayop mong desisyon. Matagbawon ang romansa. Sabado ang suwerte mong adlaw ug 3, 6, 4 ang palaran mong numero.
AQUARIUS – (Enero 22 – Pebrero 19) – Niining semanaha adunay motabang kanimo nga mausab ang imong salikwaot nga panlantaw sa kinabuhi. Mobalik ang kadasig sa imong pagtrabaho. Mosubay ka na sa tul-id nga dalan sa kinabuhi. Kusog kag sex appeal. Suwerte mong adlaw ang Biyernes ug palaran mong numero ang 9, 2, ug 7.