Katumanan Sa Akong Mga Balak
Wala akoy pako, apan dili malabwan sa bisan unsa nga matang sa langgam ang akong gibati nga kalipay. Susama kini sa usa ka kalag nga naluwas ug nakab-ot ang langit human pug-a ang impiyerno.
Karon, tupad kanimo ug atubangan sa imong nagbuy-od nga bana, akong tumanon ang akong karaan nga mga panaad. Kon kaniadto, maporma lang sa mapa ang gilay-on sa atong mga palad,
Karon, aduna nay rason aron magbuntagay nig kaob ang duha. Ari imong mga tudlo ug dawata kining singsing. Huboa na nang iyaha.
Magsadya ta! Ikaw, ako.
Ug ang umaabot nga dodong nga gimugna ta sa Junquera