KOMBENSIYON SA BMI
ANG kadagkoan sa BATHALAD-Mindanao, Inc. nangayog despensa sa nasayop nga unang pahibalo kalabot sa gikatakdang kombensiyon niini sa sinulat ni G. Marcelo A. Geocallo (Bisaya, Oktubre 10, 2018 nga gula) nga imbes Oktubre 20, Agosto man hinuon ang namantala.
Agig pagkorehir sa sayop, ang BMI mipaapas pagpahibalo nga ang Ika-22 nga Kombensiyon sa BATHALAD-Mindanao, Inc. ipahigayon karong Oktubre 20, 2018 adto sa Sun Fastfood sa Old Patag atbang sa Napocor duol sa Liceo High School sa Cagayan de Oro City. Walay registration fee, Pay as You Order ang palakaw, ug usa ka adlaw na lang, sukwahi sa naandan nga duha.
Usa sa mga highlight sa maong kalihokan mao ang pagpahibalo ug pagpanghatag sa mga ganti sa mga mananaog sa Tigi sa Sinulatay 2018 sa BMI. Gidapit ang tanan sa pagtambong.—