duterte walay cancer – panelo

TALIWALA sa mga kaguliyang nga si Presidente Rodrigo Duterte adunay sakit, si Chief Presidential Legal Adviser Salvador Panelo mipahibalo nga ang presidente mismo maoy mibutyag nga sumala sa resulta sa medical test nga gipahigayon sa Cardinal Santos Medical Center, nagpakita nga negatibo sa cancer si Duterte.

Mipatin-aw si Panelo nga kon napositibo sa cancer ang presidente dili gihapon niya kini mapugngan sa pagtrabaho tungod kay alang kaniya (Panelo) ang tanang sakit mahimo na man kunong katambalan.

Kahinumdoman nga sa gipahigayon nga PMA Alumni, atol sa pagpangaon, miingon si Duterte nga nagpailawom siya pagusab og medical test sa dihang may nakitang ‘ growth’ sa gihimong colonoscopy ug endoscopy kaniya.

Sa dihang gipangutana si Presidential Spokesman Harry Roque bahin sa kahimtang sa panglawas sa presidente, miingon siya nga wala siyay kasayoran sa gipahayag ni Panelo.

“I cannot confirm, or deny it,” matod ni Roque.—