Mirror Of Fortune
(ANG INYONG KAPALARAN SA OKTUBRE 24 - 30, 2018)
PISCES – (Pebrero 20 – Marso 20) – Makapahinangop ang gipakitang kadasig sa imong pinangga. Motaas ang marka sa tanan niyang asignatura. Di makawang ang imong pagsakripisyo kaniya nga makab-ot ang iyang ambisyon. Mainit ang romansa. Sabado ang suwerte mong adlaw ug 3, 2, 7 ang palaran mong numero. ARIES – (Marso 21 – Abril 20) – Niining semanaha maanod ka sa mahimayaong paghanduraw. Mangamang ang mga kuyamoy sa kamingaw. Laksia ang malaksot nga kagahapon sa imong handomanan. Molagsik ang imong pamatyag. Makadani ang imong pahiyom. Suwerte mong adlaw ang Miyerkoles ug palaran mong numero ang 8, 7, 6. TAURUS – (Abril 21 – Mayo 21) – Makamatikod kang adunay moibid-ibid kanimo. Di na mabalhin ang imong tiunay nga pagbati ngadtos imong hinigugma. Pahinuntan mo ang imong kakugi nga magmabungahon. Mosangpit ka kanunay sa Ginoo. Makapiyong kas kalalim. Lunes ang suwerte mong adlaw ug 2, 1, 5 ang palaran mong numero. GEMINI – (Mayo 22 – Hunyo 21) – Niining semanaha masentro ang imong panahon sa kalihokan sa simbahan. Mosanag ang imong bituon alang sa maayo mong kaugmaon. Di ka mohikaw sa pagtabang sa nagkalisod-lisod mong igsoon. Mahulipan ang kahidlaw sa katagbaw. Suwerte mong adlaw ang Biyernes ug palaran mong numero ang 9, 4, ug 3. CANCER – (Hunyo 22 – Hulyo 22) – Ipadayon mo ang regular nga pag-eksersayis. Kinahanglang sundon mo ang pahimangno sa doktor. Makabalik ka na sa imong trabaho. Makamatngon ka na sa epekto sa imong kasaypanan. Di ka kabalibad sa agni sa pahiyom. Miyerkoles ang suwerte mong adlaw ug 3, 5, 7 ang palaran mong mga numero. CAPRICORN – (Disyembre 22 – Enero 21) – Pangunahan mo ang usa ka adbokasiya batok sa ginadiling droga. Pagmatngon kay pihong mameligro ang imong kinabuhi. Pangayog suportar sa simbahan aron mapalapdan ang imong kawsa. Makahigayon kang ipa hungaw ang pagbati. Huybes ang suwerte mong adlaw ug 4, 6, 8 ang palaran mong numero. LEO – (Hulyo 23 – Agosto 23) – Niining semanaha bation mo ang talagsaong kadasig. Matuman na ang imong gipangandoy nga promosyon. Taudtaod ka na usab sa imong gitrabahoan. Angay mong doblehon pa ang imong kakugi. Matuhog mo ang mensahe sa kidhat. Suwerte mong adlaw ang Huybes ug palaran mong numero ang 2, 6, 8. VIRGO – (Agosto 24 – Septiyembre 23) – Makahagdaw kag mapuslanong pagtulun-an nga imo usab nga ikapaambit sa uban. Daghan ang makadayeg sa imong maayong gawi. Maagni mo ang imong mga kabanay sa pagsimba matag Domingo. Makahibalag kag binuhat nga mounong kanimo. Sabado ang suwerte mong adlaw ug 5, 7, 9 ang palaran mong numero. LIBRA – (Septiyembre 24 – Oktubre 23) – Niining semanaha mosanag ang imong bituon nga modan-ag sa dalan nga imong padulngan ngadtos kalamposan. Ayaw kalimot sa pagbinag og hinabang sa mga kabos. Ipadayon ang pagka manggiluy-on. Kusog ang imong sex appeal. Suwerte mong adlaw ang Martes ug palaran mong numero ang 4, 3, ug 6. SAGITTARIUS – (Nobiyembre 23 – Disyembre 21) – Niining semanaha adunay moimbitar kanimo sa uska espesyal nga selebrasyon. Malagmit igkita nimo ang kanhi mong hinigugma. Mahimong mapukaw ang nahitagpilaw nga pagbati. Mopaundayon ang kahigayonan sa kablit sa kahidlaw. Suwerte mong adlaw ang Martes ug palaran mong numero ang 9, 6, ug 3. SCORPIO – (Oktubre 24 – Nobiyembre 22) – Makig-uli sa maayong kabubut-on ang imong suod nga higala. Mabalik ang inyong maayong relasyon nga mahimong panag-ingnan sa uban. Mosapigad ang maayong kahigayonan nunot sa makugihong paningkamot. Matagbawon ang romansa. Domingo ang suwerte mong adlaw ug 7, 2, 5 ang palaran mong numero. AQUARIUS – (Enero 22 – Pebrero 19) – Niining semanaha adunay motawag sa imong atensiyon nga hatagan mog prayoridad. Motaas ang lebel sa imong enerhiya. Daling mahuman ang imong mga gimbuhaton. Doblehon mo pa ang imong kakugi. Kusog ang imong karisma. Suwerte mong adlaw ang Biyernes ug palaran mong numero ang 5, 9, 4.