Laura Lehmann:
Magpokus sa Showbiz Human sa Iyang Pagrayna sa Miss World Philippines
EKSAYTED si Laura Lehmann nga magsugod sa iyang bag-ong karera. Makapokus na kuno siya karon sa pagkab-ot sa usa sa iyang mga pangandoy sa kinabuhi. Gaan na ang iyang workload human niya ipasa ngadto kang Katarina Rodriguez ang korona sa Miss World Philippines 2018.
Sa pagtapos sa pagrayna ni Laura, matapos na usab ang iyang mga gimbuhaton isip Miss World Philippines 2017. Ug andam na siya karon nga sudlon ang laing karera sa kinabuhi.
Mipirma na siya og management contract sa GMA Artist Center ug gani eksayted na ang dalaga nga masugdan ang mga proyekto nga nalinya alang niya. Pipila sa mga proyekto niya ang pag- host sa mga event sa Kapuso network ug ang paggama og teleserye.
“I’m really excited to start a new career. It was a busy year for me last year dahil sa mga events na ginawa namin for MWP. Actually, mami-miss ko ang mga iyon because that’s the time na nagkakasama kami nila Winwyn [Marquez], Cynthia [Thomalla] and Sophia [Senoron]. Now that it’s over, medyo gumaan na ang workload natin at dito naman ako sa new career ko in showbiz naka-focus,” pu’ng pa ni Laura.
Naglaom si Laura nga makahimo siya og maayong impresyon kay gimahal niya ang pag- hosting ug gusto usab niya nga ipakita ang iyang pag-arte diha sa mga TV drama.
Gani sa puting tabil, naa nay duha ka pelikula nga nakalinya nga himoon ang 25 anyos nga dalaga ubos sa Regal Entertainment. Sa unang pelikula, makauban niya si Janine Gutierrez samtang si Lovi Poe ang iyang co-star sa ikaduha.
Hinuon, giangkon sa beauty queen nga dili pa siya satisfied sa iyang gipakita nga mga acting karon. Mao nga mikuha siya og acting workshop aron ma- improve ang iyang pag-arte.
“I need to let things loose. Put my hair down. Ang comments nila sa akin sa workshop is masyado pa akong naghu-hold back. Parang nandoon pa rin daw kasi ang pagiging beauty queen ko. Gusto nila na kung papasukin ko ang acting, I have to give it my all. I still have time to work on that and hopefully, magawa ko naman,” ni Laura pa nga mipahiyom.
Nagalaom ang uyab ni Von Pessumal nga makabuhat siya og teleserye sa GMA-7. Karon, bukas siya sa tanan kay gusto niya nga i- explore ang mga posible niyang mahimo sa showbiz.
Gani, gusto man usab niya nga masinati nga naa siya sa set sa usa ka teleserye ug makauban pagtrabaho ang mga aktor sama sa gihimo ni Megan Young.
Pero karon nga dili pa siya busy, maglulinghayaw una siya sa Bohol kauban ang mga beauty queen usab nga sila si Winwyn, Cynthia ug Sophia.—