IKA-10 NGA TABOAN WRITERS FESTIVAL, GIPAHIGAYON SA TAGBILARAN
SA ikanapulo nga higayon, nagkatagbo ug nagkahugyon na usab ang mga magsusulat gikan sa nagkalainlaing dapit sa atong nasod pinaagi sa Taboan Writers Festival. Kining maong kalihokan, nga usa ka nag-unang proyekto sa National Commision for Culture and the Arts (NCCA), ginapahigayon sa nagkalainlaing rehiyon matag tuig, diin ang mga magsusulat, magbabasa, eskolar, tigpanukiduki ug mga mahigugmaon sa literatura sa nasod magkatapok ug mag-ambitay sa nagkadaiya nilang mga ideya mahitungod sa kultura, kasaysayan ug arte sa literatura. Usa kini sa gikahinaman nga bantawan alang sa mga magsusulat aron makahinabi ang sama niya nga mahigugmaon usab sa arte, ingon man ang mga mingtambong.
Sa maong pista sa mga magsusulat, masaksihan ug masinati ang komperensiya, book fair, ang Taboan Awards, ug mga pasundayag sa mga local artist group, diin ang tanan libreng matan-aw sa publiko. Sa pag-apil ug pagpaambit sa mga organisasyon sa lokal ug nasyonal nga mga magsusulat sa ilang mga ideya, ingon man sa mga unibersidad ug tunghaan, ilabi na ang ilang mga tinun-an, membro sa faculty ug mga tigpanukiduki, mosamot katabunok ang literatura sa nasod.
Ning tuiga, ang ika-10 nga Taboan Writers Festival gipahigayon sa Bohol, ang ika-10 nga dakong isla sa nasod. Kini gisuportaan ug giabagan sa USC Cebuano Studies Center, lokal nga kagamhanan sa Bohol, Ramon Aboitiz Foundation, Inc., ug Smart Communications. Didto kini gipahigayon sa Bohol Cultural Center sa Dakbayan sa Tagbilaran niadtong Oktubre 19-20, 2018.
Ang Taboan 2018 nagdala sa tema: “Sandugo: Philippine Literature in the Digital Age.” Kini nagbudyong sa kulturanhon nga kailhanan sa Bohol ingon man usab nagpatublaw sa pagsalig sa magsusulat sa ilang arte nga namugna sa panahon nga kasagaran patung-an sa teknolohiya.
Nahitabo ang pista sa pagpaningamot ni Dr. Hope SabanpanYu, ang tsirman sa National Committee on Literary Arts ug maoy direktor sa Taboan Festival. Ang keynote speaker dinhi mao si Dr. Resil B. Mojares samtang plenary speaker si Dr. Marjorie Evasco, kinsa usa usab sa mga awardee sa karon nga Taboan.
Gipasidunggan usab ang mga mahigugmaon sa arte sama nila ni Ulysses Aparece (UC Vice Chancellor for Academics ug Dean of the College of Liberal Arts ug taga Inabanga), Edgar Godin (Associate Editor sa Bisaya ug taga Loon), Melchor Cichon (magbabalak nga taga Kalibo, Aklan), Raymundo Pandan Jr. (abogado ug nobelista nga taga Bacolod).
Sa laing bahin, gihatagan og posthumous awards ang magbabalak nga taga Mabini, Bohol nga si Anthony Incon, ang Loonanon nga si Clovis Nazareno, ug ang magsusulat ug antolohistang Waraynon nga si Vicente Ignacio de Veyra.
Gatosan ka mga magsusulat, gikan sa nasyonal ug lokal, ingon man mga magtutudlo ug tinun-an sa literatura ang mingtambong sa gipahigayon nga mga aktibidad sa Taboan. Dunay hisgot-hisgot sa