Sen. Bam Aquino, milansar para sa ikaduhang termino

Bisaya - - Tn Balita -

SI Senador Bam Aquino misumiter na pod og Certificate of Candidacy alang sa iyang ikaduhang termino. Kauban niya sa pagduso og COC ang iyang asawa ug duha ka anak.

“Pursigido pa po akong tumulong sa pamilyang Pilipino na makabangon at mabuhay nang maginhawa. Kaya tatakbo po uli ako sa Senado,” matod ni Sen. Bam.

Si Bam usa sa upat ka senador nga mingbotar batok sa ratipikasyon sa Tax Reform for Acceleration and Inclusion (TRAIN) Law.

Kahinumdoman nga sukad pa niadtong Mayo gibabagan o gipugngan ni Bam nga dili mapatuman ang excise tax sa lana ubos sa TRAIN Law pinaagi sa iyang Senate Bill No. 1798 o ang Bawas Presyo sa Petrolyo Bill.

Sa unang lima ka tuig ni Bam sa Senado nakaduso siyag 32 ka balaoron lakip na ang libreng kolehiyo sa state universities ug colleges, local universities ug colleges ug TESDA-run technicalvocational institutions.

Gitinguha ni Bam ang paghimong balaod sa Republic Act 10931 o ang Universal Access to Quality Tertiary Education Act isip principal sponsor sa iyang panahon isip chairman sa Committee on Education.— TNB

Newspapers in Cebuano

Newspapers from Philippines

© PressReader. All rights reserved.