militar ug pnp kinahanglang ‘neutral’ sa 2019 elections – Duterte

Bisaya - - News -

GIPASIDAN-AN ni Presidente Rodrigo Duterte ang Armed Forces of the Philippines (AFP) nga kinahanglang neutral sila ug dili magpaimpluwensiya sa mga politiko ilabi na nga nagkaduol na ang 2019 midterm elections.

“Let us make a deal here to make a commitment to the Filipino people. This election, strictly neutral tayong lahat,” mensahe ni Pres. Duterte atol sa seremonya sa change of command sa Philippine Army dili pa lang dugay.

Sumala ni Duterte, gusto niyang tiunay sa serbisyo ang mga sundalo tungod kay mao kini ang ilang gipanumpaan.

“The Armed Forces, the police and the uniformed personnel of the government, I am asking you not to indulge in partisan politics,” dugang ni Duterte.

Giklaro sab ni Duterte nga wala pa siyay lista sa mga kandidato nga iyang suportahan sa umaabot nga eleksiyon.

“Wala tayong susuportahan. Yung mga kandidato ko, ako lang,” dugang pa sa pamuno.

Miingon sab siya nga dili o wala mogahin og pundo ang gobyerno nga gamiton sa pagpangampanya sa mga kandidato sa administrasyon bisan gani sa iyang close aide nga si Special Assistant to the President Bong Go kinsa nakasumiter na og Certificate of Candidacy sa pagka senatorial candidate sa PDPLaban sa Comelec.

“Nobody but nobody can use government resources. Not even Bong. I will not allow. As a friend, I can invite him,” matod ni Duterte.

Gawas sa militar, gipasidan-an pod ni Duterte ang PNP nga kinahanglang non-partisan sila sa piniliay.

Kahinumdoman nga adunay pipila ka kanhi heneral nga mokandidato sa eleksiyon sa 2019 ug usa niini si kanhi PNP Chief ug Outgoing Bureau of Corrections Director Ronald “Bato” dela Rosa.— TNB

Newspapers in Cebuano

Newspapers from Philippines

© PressReader. All rights reserved.