LANCE RAYMUNDO

Mihayag og Balik ang Bituon

Bisaya - - Sa Atong Hapin -

GITUOHAN sa kadaghanan nga napawong na ang bituon ni Lance Raymundo. Apan usa kini ka dakong sayop, kay karon ania, hinay-hinayng mihayag ang bituon sa iyang showbiz career.

Kahinumdoman nga nagsugod ang showbiz career ni Lance isip singer, usa siya misulod sa telebisyon, pelikula ug teyatro.

Ug karon, aktibo na usab siya sa pagrekord og mga kanta. Gani, duna na siyay bag-ong MTV. Kini ang “You Are The One” (YATO) alang sa Viva Records diin nakauban niya si Jana Victoria.

Sa atong pakighinabi, gihulagway sa singer/actor ang “You Are The One” nga siya usab ang nagkompos.

“I can musically describe it as an English OPM song. Kahit English ang lyrics, alam natin na proudly Pinoy ang nag-compose... just like other English OPM songs tulad ng Why Can’t it Be, etcetera...,” padayag ni Lance.

Wala siya mosunod sa mga current musical trend nga kasagaran molungtad lang og pipila ka buwan unya lain na usab ang uso. Mas gusto niya nga makamugna og timeless song, ilabi na kay ang mensahe sa kanta mahitungod sa pagpangita sa gugma.

Dugang pa ni Lance nga ikapasigarbo niya ang bidyo. Gishoot nila kini sulod sa tulo ka adlaw sa pagdirek ni Joel Mendoza. Ang bidyo usa ka inspirasyon sa tinuod niyang kasinatian sa kinabuhi, ilabi na ang mga pagsulay sa kinabuhi ug how the love of his life padayon nga naghigugma niya bisan pa og dili segurado nga makabalik siya sa normal. Gidugangan usab kinig cinematic elements aron magmabulokon ang story telling. Mora na kinig usa ka mini-movie.

Sa laing bahin, nainterbyo usab nato si Jana nga mitug-an nga nagenjoy siya sa paggama nila ni Lance sa MTV, diin siya ang leading lady.—

Newspapers in Cebuano

Newspapers from Philippines

© PressReader. All rights reserved.