Bag- ong Apple of the Eye ni Willie Revillame

Bisaya - - Celeste Cortesi -

DAGHAN ang nakabantay sa lahi nga kinidlap sa mga pahiyom ni Kuya Will kon makauban si Celeste Cortesi, ang Miss Philippines Earth 2018. Si Celeste nga maoy opisyal nga representante sa Pilipinas sa ipahigayong 18th edition sa Miss Earth sa Nobiyembre 3, 2018 sa Mall of Asia Arena, kadaghan na gihimong guest co-host sa “Wowowin,” programa ni Willie nga gihugopan karon sa GMA-7.

Lahi ra gyod kuno ang pagtratar ni Willie Boy sa beauty queen. Gani, nakurat pa man ang dalaga sa dihang gitagaan kini og brand new ug expensive cellphone. Hinuon, alang sa uban, dili na kini ikatingala kay manggihatagon man gyod si Kuya Will.

Pero dili sad ikatago nga daghan ang giganahan sa guestings ni Celeste sa “Wowowin” tungod kay andam kaayo kining makigtinistisay ni Willie.

Taudtaod na nga walay karelasyon ang ilado nga TV host. Ug wala kitay gahom nga pugngan kon ugaling mahigugma man pag-usab si Kuya Will. Kon magnuod ang atong prediksiyon, posible nga kuhaon ni Willie si Celeste sa pag- reformat niya sa programa sa unang buwan sa 2019.

Ug kon mahimong regular nga co-host ang dalaga, hayan magkailhanay og maayo ang duha ug madebelop sa lawom nga relasyon. Niini, wa kitay nakitang problema kay single man ang lover boy, gawas lang kon taken na ang Fil-Italian beauty.—

Newspapers in Cebuano

Newspapers from Philippines

© PressReader. All rights reserved.