MAINE MENDOZA: Daghag Nadiskobrehan Kang COCO MARTIN

SA mga lalaki nga na- involve kang Maine Mendoza, usa si Coco Martin sa gidayeg sa dalaga. Gibutyag ni Maine nga daghan siyag nakat-onan bahin kang Coco, ang iyang leading man sa “Jack Em Poy: The Puliscredibles,” ang entry nila sa Metro Manila Film Festival 2018.

Misulti ang dalaga nga gentleman kaayo ang ABS-CBN actor bisan og first time pa nila nga nagkauban sa trabaho. Nadiskobrehan ni Maine nga manggihunahunaon si Coco sa mga kauban niini sa set.

“Nakakatawa kasi hindi niya ako trinato na parang iba kahit bago ako sa showbiz at kahit taga-7 ako,” pu’ng pa ni Maine.

Sa maong kasinatian, gipadayag ni Yaya Dub nga interesado na siya karon nga modawat og dugang oportunidad nga makauban niya sa pagtrabaho ang mga talent gikan sa ABSCBN. Bisan kinsa nga wala pa niya makauban sa proyekto. Dili siya magpili.

Bag-o lang natapos ang shooting sa ilang pelikula ni Coco ug excited ang Kapuso actress nga makita ang nahuman nga pelikula.

Gibutyag usab ni Maine nga dunay mga esena nga naglisod siya apan sa kinatibuk-an, nag- enjoy siya ug dako ang iyang pagpasalamat nga nahimong kabahin sa maong proyekto.

Gilaoman ni Maine nga ang maong pelikula dili maoy kataposang action flick sa iyang filmography kay gusto usab niya nga makagama og lehitimong action film samtang anaa pa siya sa showbiz.

Sa laing bahin, unsa katinuod nga romantically link na karon ang dalaga kang Arjo Atayde? Daghan man gani ang ming-ingon nga sila na gyod, as in.

Well, dili nato kapugngan ang bul-og sa ilang mga pagbati bisan pa og managlahi ang ilang estasyon.

“If a guy and girl are both single, they should be able to date whoever they want. And a genuine sign of support is if you let them, if you accept it and if you become happy for them even if they don’t go for the person you’re rooting for. Just my two cents,” matod pa ni Actress Ria Atayde, igsoon ni Arjo. —