narco list ibutyag sa dilg sa dili pa ang eleksiyon

Bisaya - - TNBalita -

NAGPLANO ang Department of the Interior and Local Government (DILG) nga ibutyag ngadto sa publiko ang listahan sa mga politiko nga giingong nalambigit sa illegal drug trade sa nasod.

Sumala ni DILG Undersecretary Jonathan Malaya, gihulat na lang nila ang clearance ni Presidente Rodrigo Duterte sa dili pa ipahibalo ngadto sa katawhan ang naasoyng listahan nga sa pagsulat niini gi- validate na sa Philippine Drug Enforcement Agency (PDEA).

Sama sa miaging barangay elections, nagtuo si Malaya nga dako og ikatabang ang nahisgotang listahan sa pagpili sa mga botante og mga tawong angayan gyod nga ibutang sa puwesto sa 2019 Midterm Elections.

Sa milabayng barangay elections, nakapagawas sila og listahan sa mga barangay official nga nalambigit sa ilegal nga droga human nga nahatagan sila og clearance ni Pres. Duterte nga nagtugot sa paghimo nila sa ingon.

Ang listahan nakatabang usab sa mga botante tungod kay nahimo man kining giya nila sa pagpamili kon si kinsa ang mga maayong botaran mao nga ang kadaghanan sa mga barangay narco list wala manimaho sa eleksiyon, partikular na sa Metro Manila, bisan pa man tuod og aduna pod hinuoy pipila nga anaa sa listahan nga nakalusot gihapon sa mga lalawigan o probinsiya.

Higpit na sab ang pagpakig-alayon sa DILG sa Commission on Elections (Comelec) aron maseguro nga ang mga politiko nga anaa sa narco list nga managan sa 2019 Midterm Elections madiskwalipay.—

Newspapers in Cebuano

Newspapers from Philippines

© PressReader. All rights reserved.