Mirror Of Fortune
(ANG INYONG KAPALARAN SA NOBIYEMBRE 14 – 20, 2018)
PISCES – (Pebrero 20 – Marso 20) – Niining semanaha mosangkad ang imong panlantaw sa kinabuhi. Daghan kag ideya nga imong ikapresentar. Magmalamposon ka sa imong gisugdang kawsa. Mahimong mainila ka sa katilingban. Pahinuntan mo ang mainitong parayganay. Suwerte mong adlaw ang Sabado ug palaran mong numero ang 4, 7, 6. ARIES – (Marso 21 – Abril 20) – Kinahanglan nga isentro mo ang imong atensiyon sa pagtuon. Dako ang tsansa nga ipadayon mo ang imong scholarship. Magrelaks ka usab aron mawala ang gibati mong tensiyon. Makigsandurot ka sa uban. Matunhay ang dagan sa relasyon. Martes ang suwerte mong adlaw ug 7, 8, 9 ang palaran mong numero. TAURUS – (Abril 21 – Mayo 21) – Niining semanaha padayon kang magmalalangon sa imong mga obra. Himoon mo ang tanan nga di lang malingaw ang imong mga magdadayeg; aduna usab silay mapupo nga pagtulun-an. Makabig ka usab sa simbahan. Agresibo ka sa salohang romansa. Suwerte mong adlaw ang Lunes ug palaran mong numero ang 5, 1, 7. GEMINI – (Mayo 22 – Hunyo 21) – Hugopan ang mapuslanon mong ideya. Makahatag kinig daling kalamboan sa grupo. Gikinahanglan lamang ang suporta sa matag usa. Kusog ang imong liderato nga makapadasig sa mga membro. Mabatyagan mo ang kagilok sa hapuhap. Miyerkoles ang suwerte mong adlaw ug 4, 6, 7 ang palaran mong numero. CANCER – (Hunyo 22 – Hulyo 22) – Niining semanaha daghan ang moapura kanimo nga himoon kang lider sa inyong komunidad. Dako kag potensiyal nga mapalambo mo ang inyong lugar. Magamit mo ang imong kasinatian sa pagpakignegosasyon. Mainit ang romansa. Suwerte mong adlaw ang Huybes ug palaran mong numero ang 5, 3, ug 4. CAPRICORN – (Disyembre 22 – Enero 21) – Niining semanaha madugangan ang mga suki mong kostumer. Ipadayon mo ang maayong serbisyo sa mamalitay. Nagkinahanglan kag dugang nga puhunan. Di ka angayng mahingawa kon anaa kanimo ang Diyos. Kusog ang imong karisma. Suwerte mong adlaw ang Huybes ug palaran mong numero ang 9, 3, 4. LEO – (Hulyo 23 – Agosto 23) – Magpabilin kang kalmado bisan sa mga panghimaraot diha kanimo. Nasayod ka nga di ka pasagdan sa Ginoo. Pilion mong magpabilin nga kabos kaysa mahaylo ka sa kahiwian. Panalipdan mo ang imong reputasyon. Makigdungan ka sa paghangos. Sabado ang suwerte mong adlaw ug 8, 9, 2 ang palaran mong numero. VIRGO – (Agosto 24 – Septiyembre 23) – Niining semanaha daghan ang makamatikod sa tinagoan mong abilidad. Ipaambit mo ang imong nakatonan. Magbilin kag legasiya sa kabataan nga di nila makalimtan sa kahangtoran. Mabatyagan mo ang kagilok sa pagpakighagwaay. Suwerte mong adlaw ang Martes ug palaran mong numero ang 2, 4, 3. LIBRA – (Septiyembre 24 – Oktubre 23) – Mosamot ka kamadasigon sa pagtrabaho human ka ma- promote. Doblehon mo pa ang imong kakugi kay makadawat ka pag dugang nga insentibo. Mabaid og maayo ang imong salabotan sa bag-o mong asaynment. Masubhan ang imong kahidlaw. Domingo ang suwerte mong adlaw ug 8, 9, 1 ang palaran mong numero. SAGITTARIUS – (Nobiyembre 23 – Disyembre 21) – Gamitan mog diplomasya ang paghusay sa usa ka kabangian. Iintrodyus mo ang winwin solution. Di nimo hatagag importansiya ang way hinungdan nga hilisgotan. Moalibyo ang pamatyag sa imong kalawasan. Makapiyong ka sa katagbaw. Miyerkoles ang suwerte mong adlaw ug 2, 6, 8 ang palaran mong numero. SCORPIO – (Oktubre 24 – Nobiyembre 22) – Niining semanaha molutaw ra ang kamatuoran nga gihikaw diha kanimo. Makalingkawas ka na sa giatubang mong obligasyon. Makamatngon ka na sa nahiagoman mong kasinatian. Mosunod ka na sa itambag kanimo. Dugosnon ang romansa. Suwerte mong adlaw ang Biyernes ug palaran mong numero ang 3, 6, ug 2. AQUARIUS – (Enero 22 – Pebrero 19) – Di mo lugakan ang imong kakugi hangtod matapos ang proyekto. Daghan ang makadayeg sa imong manggad. Motaas ang lebel sa imong enerhiya. Way mosupak sa ipakanaog mong desisyon. Pabugnawon sa pagmahal ang pangabubho. Domingo ang suwerte mong adlaw ug 4, 7, 6 ang palaran mong numero.