Gipili ang “Bubble Gang” kaysa Drama Project

Bisaya - - Showbiztsika - Ni HIMAYA DAGOHOY

USA na unta ka dakong oportunidad ang miabot aron mapakita pa ni Denise Barbacena ang talent sa pagdrama. Apan maoy iyang gipili ang pagpabilin sa “Bubble Gang.” Lisod alang sa Kapuso comedienne/actres ang mahibulag sa iyang mother show.

Giangkon ni Denise kinsa nailhan sa reality TV talent search nga Protégé nga dugay na siyang wala modawat og soap projects. Gihimo niya kini aron dili maapektohan ang taping niya sa Kapuso gag show matag Lunes. Kataposan natong nakita si Denise sa usa ka drama show mao kadtong afternoon prime nga “Contessa.”

“Actually for the longest time ayoko mag-book ng soap dahil ang taping ng soap ay Monday, Wednesday, and Friday. Super love ko ‘yung Bubble Gang kaya hindi ko mahiwalayan na okay sige I’ll stop doing Bubble Gang every Monday kung magso-soap ako,” matod ni Denise.

“Sinuwerte lang na nung pumasok ‘yung Contessa, ang regular taping nila ay T-Th-S. Kaya parang wow grabe talaga na hindi ko kailangan mag-absent ng Monday,” dugang pa niini.

Isip usa sa ka regular nga mga membro sa award-winning comedy program, miapil usab si Denise sa pagkonsepto ug paghatag og creative inputs sa mga karakter diin duna siyay papel.

Gipasabot sa Kapuso actress nga dako ang impluwensiya ni Michael V, ang giila nila nga lider, kinsa nag-agni kanila nga mosugyot sa ilang mga maayong ideya aron labi pang mapanindot ang ilang pasundayag.

Gibutyag ni Denise nga sukad nga namembro siya sa “Bubble Gang,” bukas na siya sa mga ideya nga kinahanglan nga dunay input ang mga artista sa mga himoon nila apil na ang iyang materyal.

“Kasi, nagsimula sa leader namin dito, kay Kuya Bitoy, siya ‘yung nag-encourage sa amin at nagsabi na okay ‘yun, maganda ‘yun at dapat na we have something na ma-impart dun sa gagawin namin,” pu’ng pa sa aktres.

Sa laing bahin, pipila na lang ka adlaw matan-aw na ang giandam nga mga pasundayag sa “Bubble Gang” alang sa ilang 23rd Anniversary sa GMA-7.—

Newspapers in Cebuano

Newspapers from Philippines

© PressReader. All rights reserved.