Ang mga sinulat nga hingpit nga hinukad sa kasinatian ug dunay pagbati sa kanunay magdulot og positibong reaksiyon sa mga magbabasa…
maminaw sa nasugdan apan hapit na mahuman nga diskusyon.
Naikag ko sa pagpaminaw sa diskusyon ug inter-aksiyon sa Environment/Writing Catastrophe. Nagpuyo kita sa panahon diin ang estado sa natural nga kalikopan usa ka dakong isyu. Dinhi, nabati ang mga komentaryo ug kasinatian nila ni Priscilla Macasantos, Elbert Baeta, Haidee Palapar, ug Firie Jill Ramos sa pagpanulat kabahin sa maong hilisgotan.
Ang pagsulat kalabot sa kalikopan ug nanghitabo nga kalamidad, pananglitan sa balak ug sugilanon, usa ka dakong hagit alang sa mga magsusulat. Labaw na kon ang tagsulat nakasinati mismo sa natural nga kalamidad ug dunay sakop sa pamilya nga nabiktima o napagan. Hayan mouk-ok ang pagka mamugnaon. Ang magsusulat tawo usab ug sahi sa uban makasinati og kalamidad, kawad-on, kasakit ug kagulanan. Sakit tuod, apan ang pagsulat sa kasinatian mahimong tambal aron hinay-hinay nga maalim ang samad sa balatian ug magmalig-on.
Ang mga sinulat nga hingpit nga hinukad sa kasinatian ug dunay pagbati sa kanunay magdulot og positibong reaksiyon sa mga magbabasa ingon man sa mga hurado sa tigi sa sinulatay. Sa ahong kabahin lang, halos tanang mananaog nga sinulat nako may kalabotan sa kalikopan, kalamidad ug kamatayon sa mahal sa kinabuhi.
Pagkahuman, misunod ang diskusyon sa Performance Poetry. Ang kahinungdanon sa performance poetry ug ang kahinam nga mabati ug mahulagway ang mga pulong diha sa atubangan dili ikasalikway labi na sa kasamtangang henerasyon. Ang diskusyon dinhi gihatagag kinabuhi nila ni Luna Cleto, Daisy Ricardo, Noel Tuazon ug Alton Dapanas.
Sa ahong nasabtan, dili na bag-o ang performance poetry. Kay sa dugayng panahon, ginapasundayag na kini diha sa mga tablado, teyatro, telebisyon ug radyo ug mitadladlatas hangtod sa kasamtangang henerasyon. Kini nga balak gipadayag nga binaba sa mga tigpasundayag diin ang balak gimugna ginamit ang pulong silbing kahimanan sa pagsulat og balak sama sa pagbalik-balik sa mga pulong, alliteration, ug rima aron makamugna og hawot nga musika nga dali masabtan ug mahinumdoman.
Kini nga matang sa balak usa sa makapaukyab aron modugok ang katawhan sa mga pulong-pulong ug miting de avance panahon sa eleksiyon. Usa ka pananglitan sa balak nga kanunayng hatagag kinabuhi sa mga magbabalak