Ang Lima ka “B” sa Pagka Babaye

Bisaya - - Sugilagming - Ni Amelia H. Catarata-Bojo

DILI bilat intawon. Dili sab bisong. Mas labawng dili buto. Hahaha. Dili sab bilangkad ug dili bahong bulad. Sirit? Aw, kon mao ra nay inyong mahunahunaan, sa ato pa, lalaki mo kay ang mga lalaki ra kunoy mogimok ang imahinasyon kon makadungog og pulong “babaye”. Kon dili kanang lima ka “B” maoy mahunahunaan, makahunahuna og bakbak nga magsigeg kokak kon maulanan sa daplin sa sapa. Samoka, uy! Hahaha.

Bitaw, kini lang unay atong hisgotan palain sa estorya kay hapit nang eleksiyon, maglisod na tag lingaw sa atong kaugalingon sa kadaghan sa mga isyu nga angayng tusik-tusikon. Tuki-tukion diay. Galagot na man god kog hunahuna karon pa lang. Hahaha. Pero magpalain gyod ko karon kay, kabalo mo, ngilngig akong Oktuble karong tuiga. Halos kada adlaw tua kog namatyan, kondili motambong og lubong, mamisita sa haya. Ngano kaha to nga halos matag adlaw dihay namatay nga akong higala, paryente sa usa ka higala, ug uban pa dinha nga kinahanglan gyong tambongan o bisitahan kay nahimong tipik sa akong kinabuhi o sa kinabuhi sa among pamilya. Niabot gyod ang panahon nga naluya ko ug nahadlok. Pastilang paita, labi na kon grabe ang kaguol sa mga nangabilin.

Ngano pod kaha ning sakit man kaayo mabiyaan, no? Labi nag hinanali ug wala damha. Aw, hinanali god. Wa gyod na damha. Hehehe. Diha hinuoy uban nga giampo na lang kuno sa mga hingtungdan kay lisod na kon magdugay. Luoy ba. Kadto laging bana sa akong higala ang namatay ug ang akong higala mibakho sa akong abaga, ay hapit ko malumoy. Maong daghan kog mga kalihokan nga wa gyod maatiman kay kanunayng nagsakit akong dughan. Maayo gani kay di ko ilhang nasakitan o naluya kay guwapa man god ko. Hahaha.

Hinuon, klarohon ta ni nga babaye atong giestoryahan ha. Lisod na kon lalison ko ninyo unya. Ang buot ipasabot sa atong babaye dinhi kay kadtong babaye by birth, dili babaye by choice. Ang babaye man god kadto ra gyong gipakatawong dunay duha ka X chromosomes. Chromosomes ba, kanang gipataban kanato kauban sa atong mga unod ug bukog nga makita sa atong genes (dyens) nga maingong mensahe gikan sa Ginoo. Walay labot kibale kadtong gipakatawong dunay X ug Y nga nagtuong babaye sila nga napreso lang sa lawas sa usa ka lalaki (nga duna say posibilidad kay posibleng usa ka espiritu sa babaye ang nakasulod sa lawas sa usa ka lalaki apan kay ang espiritu wala kailag chromosomes, dili nato mabasol ang tawong magbinabaye bisan kon utinan). Wala say labot kadtong dunay bilat apan nagtuo sila nga utin na lay kulang lalaki na gyod sila. Kana man gong double X ug XY chromosomes mao man god nay rason nganong dunay bilat ang babaye (XX) ug nganong dunay utin ang lalaki (XY). Maong kini ra gyong dunay XX ang matawag nga babaye ug ang dunay XY ra say matawag nga lalaki. Hmm, hinuon, ngano tuong butangan nakog kalainan, sa? Ok, basta babayeg pagbati, larga. Hehehe.

Unang “B”. Beauty. Ang babaye kuno kinahanglan gyong guwapa ug kinahanglang magpaguwapa. Maong sakit kaayo tong pasiaw nga nangutana kuno ang bana, nganong sige kang gapaparlor? Mitubag pod tawon ang asawa nga “kay gusto kong moguwapa para nimo”. Mitubag sab ang bana, “Nah, mao ganing gasige kog hubog kay aron guwapa kas akong panan-aw!” Kon naay bana nga ingon ani satanas na nga bana apan buang ang babayeng dili sab magpaguwapa. Hahaha. Panghindik ra hinuon ang buot ipasabot sa paguwapa kaniadto, dili sab anang sigeng paparlor o ba kaha magparetoke na aron lang maguwapa. Kapoy sab anang magpaputi aron moguwapa. Pastilan, guwapa kon guwapa bisan unsay kolor basta nakapanghindik, payts. Hehehe.

Maong klarohon ni nato. Naa koy korona sa akong pagka Ms. Beautiful ha. Hehehe. Kataw-anan bitaw kay kining kaanyag ug pagpaanyag mao kunoy gibulagan sa magtiayong Nicole Kidman ug Keith Urban. Kini man god kunos Nicole Kidman, kanang guwapa

Hinuon, sumala pa sa mga pagtuki sa siyensiya, mas maayo kuno nang morag gadula-dula lang ang konteksto sa relasyon kaysa seryoso.

Newspapers in Cebuano

Newspapers from Philippines

© PressReader. All rights reserved.