Duterte mohatag og P3M ug trip to Hong Kong sa mga polis nga makapatay og “ninja cops”

Bisaya - - Kilat -

MOHATAG si Presidente Rodrigo Duterte og P3 milyones nga reward ug trip to Hong Kong ngadto sa mga polis nga makapatay sa ilang mga superior nga malambigit o nalambigit sa illegal drugs.

Sa gipahigayon nga lecture sa presidente bahin sa droga, gipaneguro niya nga andam siyang mohatag og reward sa mga polis nga maka- neutralize sa ilang mga labaw nga gitawag og “ninja cops”.

Sumala pa ni Duterte, gawas sa reward nga P3 milyones, may bonus pang trip to Hong Kong nga mahimo sab nga maconvert sa cash.

“I am going to reward that policeman. Any policeman who will kill his superior because the superior is into drugs, I will give you a prize and a trip to Hong Kong. Oo, totoo. If you want to convert it into money o… And ‘yung ninja sabi ko, ‘yung mga ninja, the --- it stands ha. Three million ba ‘yung sabi ko? Oo. Patayin ninyo, three million,” matod ni Duterte.

Pero naseguro sab ni Duterte nga dili mokompiyansa ang mga tag-as og ranggo nga opisyal sa PNP ug segurado sab gyod nga manukol sila sa ilang mga sakop nga buot motipi kanila.

“Tutal ang superior na mga pulis lalaban man talaga ‘yan. Hindi ‘yan magpapahuli. One is that hindi ‘yan magpakahiya,” dugang pa ni Digong.

Kalabot niini, miingon si Duterte nga iyang gantihan ang polis nga nakapatay kang P/Supt. Santiago Rapiz nga giingong drug protector sa Dipolog City kinsa matod pa, anaa sa drug matrix sa presidente.

Newspapers in Cebuano

Newspapers from Philippines

© PressReader. All rights reserved.