Tag- iya og Fast- growing Business

Bisaya - - Showbiztsika -

SA edad nga 22, dili lang usa ka sikat nga artista si Kathryn Bernardo apan CEO usab sa kaugalingong negosyo. Nagbukas siya sa iyang nail salon nga KathNails by KCMB sa SM The Block North EDSA niadtong Mayo 27, 2017. Paglabay sa usa ka tuig, nagbukas siya og laing lima ka branch. Ug sulod sa maong tuig, nagdugang siya og laing duha ka branch.

Wa magdahom si Kathryn nga sulod sa duha ka tuig makabukas siya og walo ka branch sa iyang nail salon business. Malipayon siya kay nagkalainlaing tawo ang mingsulod sa iyang salon, nga wala lang moadto tungod kay fans sila, apan nahimong regular nga kliyente tungod kay nagustohan ang ilang serbisyo.

Gibutyag ni Kathryn nga ang maong negosyo duol kaayo sa iyang dughan ug sa samang higayon maoy iyang gasa sa iyang Mommy Min.

Very hands-on ang dalaga sa iyang negosyo ug malipayon siya nga milambo kini. Ang suporta sa iyang pamilya ang naghatag niyag kompiyansa aron sudlon ang maong negosyo bisan og daghag kompetensiya.

“Hindi ko alam kung paano ko ito magagawa without my family. Hindi ko feel na mag-isa dito. I have my family... Nandiyan silang lahat to guide me in every decision. Sila ang nagtuturo kung anong dapat kong gawin, kasi ang dami-dami ko pa kailangan aralin,” matod ni Kathryn.

Samtang nagkadako ang ilang salon business, naamgohan sa mga Bernardo nga ang ilang mga trabahante nahimo na usab nga kabahin sa ilang pamilya.

“The employees have to feel at home whenever nandito sila. Kailangan talaga na makisama ka rin sa kanila para mag-stay sila sa iyo. More than just workmates, ma-feel nila na family sila dito... Hopefully, magtuluy-tuloy pa. Mas marami pa kami matulungan sa mga tao namin. Mas marami pa magustuhan ang tao sa amin,” pu’ng pa sa dalaga.

Gawas sa KathNails, duna say laing nahunahunaang negosyo nga sudlan si Kathryn sama sa restawran ug coffee shop. Apan wala magdali-dali ang dalaga. Kay niya pa, dili siya mosulod sa usa ka negosyo nga dili pa siya segurado nga iyang mahatagan og panahon ug dedikasyon.—

Newspapers in Cebuano

Newspapers from Philippines

© PressReader. All rights reserved.