Mirror Of Fortune

(ANG INYONG KAPALARAN SA NOBIYEMBRE 28 – DISYEMBRE 4, 2018)

Bisaya - - Mirror of Fortune - Ni Madam Gertrudes-Lee

PISCES – (Pebrero 20 – Marso 20) – Makapahinangop ang balita nga imong madawat. Dako ang purohan nga maapil ka sa promosyon. Angay doblehon mo pa ang imong kakugi. Ayaw kalugak sa imong mga pangandoy sa kinabuhi. Makahibalag kag binuhat nga magmahal kanimo. Miyerkoles ang suwerte mong adlaw ug 7, 2, 5 ang palaran mong numero. ARIES – (Marso 21 – Abril 20) – Niining semanaha motambong kag seminar bahin sa panginabuhian. Ipaambit mo sa uban ang imong makat-onan. Makakita kag paagi nga masulbad ang imong mga suliran. Adunay motabang kanimo. Mosamot kamainiton ang pinarayganay. Suwerte mong adlaw ang Sabado ug palaran mong numero ang 8, 1, 3. TAURUS – (Abril 21 – Mayo 21) – Ayaw tagda ang mga tsismis sa palibot. Itingob mo ang imong panahon sa pagtuon. Kinahanglan nga molikay ka sa imong kabarkada. Motaas ra ang grado sa imong mga asignatura. Maganoy ka sa matentalong agni sa pahiyom ug pasiplat. Domingo ang suwerte mong adlaw ug 6, 2, 7 ang palaran mong numero. GEMINI – (Mayo 22 – Hunyo 21) – Niining semanaha motumaw ang nagpahipi mong pagbati. Di ka na makalikay sa hunghong sa pangindahay. Mopabor kanimo ang kahigayonan. Di mo na kini angay pang palabyon. Makahimamat kag binuhat nga mounong kanimo sa damlag. Suwerte mong adlaw ang Lunes ug palaran mong numero ang 3, 2, 7. CANCER – (Hunyo 22 – Hulyo 22) – Daghang modayeg sa imong talagsaong talento. Ipaambit mo sa uban ang imong nahibaloan. Di mo ihikaw ang imong panahon sa pagserbisyo sa simbahan. May moabot nga grasya diha kanimo nga wa mo damha. Kusog ang imong karisma. Biyernes ang suwerte mong adlaw ug 8, 9, 6 ang palaran mong numero. CAPRICORN – (Disyembre 22 – Enero 21) – Makabaton og kasanag ang imong paningkamot. Mapiho mo na ang kalamboan nga imong gilaoman. Daghan ang moabiba sa imong makabot nga kalamposan. Madugangan ang imong tinipigan alang sa umaabot. Bation mo ang dinagaang sa pagbati. Huybes ang suwerte mong adlaw ug 4, 6, 8 ang palaran mong numero. LEO – (Hulyo 23 – Agosto 23) – Niining semanaha maanod ka sa mahimayaong paghanduraw. Mangamang ang kuyamoy sa kamingaw. Angay nga laksion mo ang malaksot nga kasinatian. Itingob mo ang imong panahon sa pagtuon ug pagsimba. Makasinati kag lahing romansa. Suwerte mong adlaw ang Sabado ug palaran mong numero ang 5, 4, 1. VIRGO – (Agosto 24 – Septiyembre 23) – Dako kag ikatabang nga mahusay ang kaguliyang sulod sa pamilya. Gamitan mo kinig diplomasya nga walay kabubut-on nga masilo. Ipadayon ang maayo mong binuhatan. Himoon kining ehemplo sa imong mga manghod. Mainit ang romansa. Huybes ang suwerte mong adlaw ug 7, 3, 2 ang palaran mong numero. LIBRA – (Septiyembre 24 – Oktubre 23) – Niining semanaha makahagdaw kag importanteng impormasyon alang sa imong proyekto. Matapos mo kini sa di pa moabot ang dedlayn. Makapadasig sa imong trabahante ang gisaad mong insentibo. Makigdungan ka sa paghangos. Suwerte mong adlaw ang Domingo ug palaran mong numero ang 6, 5, ug 8. SAGITTARIUS – (Nobiyembre 23 – Disyembre 21) – Niining semanaha molagsik ang imong panglawas. Motaas ang lebel sa imong kadasig. Daghan kag mahuman nga gimbuhaton. Kahimut-an ka sa imong mga kauban sa trabaho. Magmasaligon ka sa imong kaugalingon. Matagbawon ang romansa. Suwerte mong adlaw ang Martes ug palaran mong numero ang 5, 9, 4. SCORPIO – (Oktubre 24 – Nobiyembre 22) – Andam ka nang moasdang sa mga pagsulay nga moali sa imong agianan. Adunay moagakay kanimo nga mahimo kang magmalamposon. Daghankagmakat-onansaimongpagpanukiduki. Masum-ok kag abentura nga modalit og lahing katagbaw. Martes ang suwerte mong adlaw ug 9, 1, 4 ang palaran mong numero. AQUARIUS – (Enero 22 – Pebrero 19) – Niining semanaha mahipno na ang gihikay mong mga papeles. Mahinayon ra gayod ang imong pangandoy nga makatrabaho sa gawas. Matuman na ang imong gidamgo nga kaharuhay sa kinabuhi. Makasulagma kag romantikong abentura. Suwerte mong adlaw ang Biyernes ug palaran mong numero ang 9, 6, 3.

Newspapers in Cebuano

Newspapers from Philippines

© PressReader. All rights reserved.