Piyansa ni Imelda nakapahisagmuyo sa mga kabos

Bisaya - - Tn Balita -

NAMENOSAN ang pagsalig sa mga kabos ngadto sa korte sa dihang gitugotan sa Sandiganbayan nga makapiyansa si kanhi Unang Ginang ug Ilocos Norte Rep. Imelda Marcos.

Kini ang reaksiyon ni Vice President Leni Robredo kalabot sa piyansa ni Imelda nga gitugot sa Sandiganbayan alang sa temporaryong kagawasan sa kanhi unang ginang mahitungod sa sentensiya niini sa kasong graft and corruption.

Sumala ni Robredo, ang gihimo sa Sandiganbayan nakapalig-on kuno sa panlantaw o panahom sa mga Pilipino nga ang mga adunahan ug may gahom lang ang gipaboran sa katarongan.

“Nagbibigay ito ng impresyon na kung mayaman ka o meron kang high social status, napakadali. Kung mahirap ka at kahit nakagawa ka lang ng simpleng pagkakamali, makukulong ka na ng maraming taon,” matod pa ni Robredo sa iyang programa sa usa ka radio station.

Kahinumdoman nga nagpakita na si Imelda sa sesyon sa Kamara dili pa lang dugay sa pagsulat niini human nga nakapiyansa siya og P150,000 sa Sandiganbayan human siya nasentensiyahan og seven counts sa kasong graft.

Mibalibad ang unang ginang sa dihang gipangayoan siyag pamahayag o komento bahin sa mga reklamo sa pipila nga kuno gihatagan siyag special treatment sa korte.—

Newspapers in Cebuano

Newspapers from Philippines

© PressReader. All rights reserved.