HEAVEN PERALEJO:

Leading Lady ni McCoy de Leon sa The Mirror

NAHATAGAN ra gyod og katumanan ang pangandoy ni Heaven Peralejo nga mahimong bida sa pelikula.

Nagsugod na ang ilang shooting sa pelikulang “The Mirror” diin nahimo niyang leading man si McCoy de Leon. Way problema sa 18- anyos nga dalaga nga nahimong ka- loveteam si McCoy kay komportable siyang makatrabaho ang aktor. Nagkauban na sila niadto sa usa ka episode sa “Ipaglaban Mo.” Pero aware ang pag- umangkon ni Rica Peralejo nga ma- bash siyag maayo sa mga fan sa McLisse.

Matod pa sa young actress nga andam siya sa unsa may ilabog nga lapok sa mga basher. Expected na ni niya pero mas mahinungdanon alang niya ang iyang trabaho isip artista. Wala siyay panahon sa mga negatibong kritisismo basta gibuhat lang niya ang angay alang sa trabaho.

Okey man kuno sila si Elisse Joson bisan dili sila close friends. Ang fans ra nila ang nag- away.

Daghan na ang excited nga matapos ang pelikula nga gibidahan ni Heaven ug McCoy. Angayan kaayo ang duha ka young star sa ilang loveteam. Duna silay chemistry. Guwapa ang dalaga ug guwapo sad ang ulitawo, unya, duna pa gyod silay pamarog nga maka- wow gyod sa fans.

Gitagaan silag dakong proyekto sa ABS- CBN kay nakita sa movie outfit nga mo- click ang ilang panagpares.

Well, layo gyod og maabot kini si Heaven kay gawas nga nakaangkon og beautiful face, talented pa gyod. Manghinaot lang ta nga tinudon niya ang iyang gisulti nga dili siya mausab bisan og sikat na siya. Ug tumanon sad niya ang iyang gisaad nga magpokus siya sa iyang karera ug dili sa lovelife. Kay niya pa, anugon kuno kon mawad-an sa alimyon ang nagkahumot na niyang showbiz career.

Matod pa ni Heaven nga buhaton niya ang tanan niyang mahimo dili alang niya apan alang sa iyang inahan nga dunay kanser nga padayong nagpaalim sa sakit.—