ANG MILK TEETH UG ANG PERMANENT TEETH

Bisaya - - Showbiztsika - Ni MAR MAÑUS, JR.

ANG mga ngipon sa bata nga gitawag og milk teeth dili dumalayon. Mangahingo kini kay itukmod sa nagsunod nga mga ngipon nga mao nay dumalayon kun permanent teeth.

Sa pagkahimugso sa bata daan na kining may dumalayong mga ngipon nga gipaibabwan sa milk teeth. Ang milk teeth nga sa laing bahin gitawag sab og baby o primary teeth adunay gidaghanon nga 20 ka buok lamang samtang ang dumalayon nga mga ngipon 32 ka buok.

Ang mga milk teeth magsugod pagpanggusod o pagpanurok sa pag-edad sa bata og 6 ka buwan. Unya mangahingo kini samtang magatubo sila ug sa paghingkod na sa bata anam-anam nga manggula ang mga permanent teeth. Dinhi magsugod na sab pagkadaot o pagsakit ang ubang permanenteng ngipon unya ipaibot na pod kini ug sa pag-edad na og 21 anyos pataas, mahurot na pagpanggawas ang 32 ka permanenteng mga ngipon.

Ang pasiunang mga ngipon sa bata gitawag og milk teeth tungod kay susama man kini og kolor sa gatas ug mas puti kini tandi sa ngipon sa mga hingkod na.—

Newspapers in Cebuano

Newspapers from Philippines

© PressReader. All rights reserved.