Pagdagan sa magtiayong Cayetano wala mahisupak sa balaod

Bisaya - - Tn Balita -

MIINGON ang tigpamaba sa Commission on Elections nga si James Jimenez nga walay diperensiya sa pagdagan ni kanhi Foreign Affairs Secretary Allan Peter Cayetano pagka kongresista sa District 1 sa Taguig ug sa asawa niining si Lani alang sab sa District 2.

Gipasabot ni Jimenez sa usa ka interbiyo sa radyo nga walay gisupak nga balaod ang magtiayong Cayetano sa ilang desisyon nga mokandidato sa nagkalainlaing distrito basta aduna lay kamatuoran nga mga residente gayod sila sa ilang gipuy-ang balay sa nahisgotang distrito diin sila managan.

Ang abogado sa mga Cayetano nga si Atty. George Garcia mipasabot nga dili basehanan ang reklamo batok sa magtiayon tungod kay klaro sa balaod nga mahimong adunay daghang pinuyanan ang usa ka tawo ug walay gisupak nga doktrina sa Supreme Court o election law. Ug miingon pa gyod si Garcia nga taphaw ra kaayo ang reklamo batok sa mga Cayetano ug segurado nga dili kini moklik sa korte.

Miingon sab si Garcia nga gitugot sa election law ug sa Labawng Hukmanan nga ang usa ka tawo mahimong makabaton og daghang balay sa managsamang higayon o panahon.

“His domicile of origin, ang pinanggalingan niya talaga, is Bagumbayan, District 1, where he is running for a seat in the House of Representatives samantalang si Taguig Mayor Lani naman ay nakasaad na ang kanyang domicile ay sa The Fort sa District 2 ng Taguig,” pasabot ni Atty. Garcia.

“On May 2019, we will submit to the people’s will. This is what truly matters. This is what only matters,” tipik sa statement sa magtiayong Cayetano.—

Newspapers in Cebuano

Newspapers from Philippines

© PressReader. All rights reserved.