Mirror Of Fortune
PISCES – (Pebrero 20 – Marso 20) – Andam ka nang moasdang sa kalisdanan nga moabot sa imong kinabuhi. Makasugakod ka nang manginabuhi alang sa imong pamilya. Kinahanglan nga makat-on og laing trabaho aron adunay ekstrang kinitaan. Mainit ang romansa. Miyerkoles ang suwerte mong adlaw ug 3, 5, 7 ang palaran mong numero.
ARIES – (Marso 21 – Abril 20) – Niining semanaha adunay moduol kanimo nga mangayog tambag bahin sa suliran sa kasingkasing. Magamit mo ang imong kasinatian nga ipaambit. Isentro na ang imong kinabuhi sa pag-ampo. Makigdungan ka paghangos ngadto sa himaya. Suwerte mong adlaw ang Huybes ug palaran mong numero ang 1, 5, 6.
TAURUS – (Abril 21 – Mayo 21) – Makalingkawas ka na sa imong obligasyon. Mokusog ang halin sa imong produkto. Makabaton kag kalinaw sa imong hunahuna. Maka- focus ka na sa imong mga gimbuhaton. Salig kanunay sa Kahitasan. Kusog ang imong sex appeal. Martes ang suwerte mong adlaw ug 4, 2, 9 ang palaran mong numero.
GEMINI – (Mayo 22 – Hunyo 21) – Niining semanaha adunay mobutho pagduaw kanimo. Magdala kinig makalipay nga balita. Di mo ikalimod ang kamatuoran nga duna kay gihambin nga kahiubos. Malingaw mo ang imong kaugalingon sa pagpangadye. Mainit ang romansa. Suwerte mong adlaw ang Lunes ug palaran mong numero ang 4, 7, ug 8.
CANCER – (Hunyo 22 – Hulyo 22) – Magmasanagon ang imong bituon. Dako ang kausaban sa imong kahimtang. Moasenso ang gitukod mong negosyo. Ayaw kalimot paghatag og donasyon sa simbahan. Dako kag ikatabang sa imong mga igsoon. Maanod kas mahagitong kidhat. Sabado ang suwerte mong adlaw ug 6, 1, 9 ang palaran mong numero.
CAPRICORN – (Disyembre 22 – Enero 21) – Angay kang magmatngon sa imong mga lakang. Adunay masina sa maayong dagan sa imong panginabuhi karon. Sangpit kanunay sa Ginoo aron di ka matumpawak sa kaalaotan. Masumok kag abentura sa gugma nga magmalungtaron. Sabado ang suwerte mong adlaw ug 8, 4, 7 ang palaran mong numero.
LEO – (Hulyo 23 – Agosto 23) – Niining semanaha adunay moduol kanimo nga gustong makigsosyo sa negosyo. Tun-an mog maayo ang iyang tanyag kay basig masulod ka sa litag. Pangunayan mo pagdumala ang imong patigayon. Tugbangan mo ang gipasabot sa kablit. Suwerte mong adlaw ang Domingo ug palaran mong numero ang 8, 3, 2.
VIRGO – (Agosto 24 – Septiyembre 23) – Mopabor kanimo ang kahigayonan. Di mo kini angayng palabyon. Way makababag sa imong gitinguha. Dako ang purohan nga mapalit mo ang umahan nga imong gitikad karon. Ayaw paghunong sa pagpangaliya. Makapiyong kas kalalim sa romansa. Huybes ang suwerte mong adlaw ug 7, 5, 6 ang palaran mong numero.
LIBRA – (Septiyembre 24 – Oktubre 23) – Niining semanaha angay mong hugtan ang bakos sa imong pagbadyet. Dunay daghang galastohan nga imong atubangon. Moabag ka sa imong pares nga madugangan ang kinitaan alang sa panginahanglan. Pahinuntan mo ang kidhat sa kahidlaw. Suwerte mong adlaw ang Biyernes ug palaran mong numero ang 2, 8, 4.
SAGITTARIUS – (Nobiyembre 23 – Disyembre 21) – Niining semanaha makahakgom kag matulunanong kasinatian. Magamit mo kini sa imong paningkamot alang sa umaabot. Kinahanglan nga magdaginot gayod aron di magkalisod-lisod sa pagbadyet. Makasinati kag lahing kalalim. Suwerte mong adlaw ang Domingo ug palaran mong numero ang 9, 2, ug 5.
SCORPIO – (Oktubre 24 – Nobiyembre 22) – Dako na ang pag-uswag sa imong kahimtang nga kanunay ka nang mosimba. Agnihon mo ang imong mga higala nga motambong sa prayer meeting. Moundang ka na sa imong mga bisyo. Moaskil ang imong lawas human sa pakighagwa. Martes ang suwerte mong adlaw ug 5, 9, 3 ang palaran mong numero.
AQUARIUS – (Enero 22 – Pebrero 19) – Niining semanaha mosapigad sa imong handurawan ang malipayong nangagi. Makapahiyom ka sa kablit sa kamingaw nga nakapukaw sa kahidlaw. Motaas ang lebel sa imong kadasig. Makahimamat kag binuhat nga molipay kanimo. Suwerte mong adlaw ang Biyernes ug palaran mong numero ang 6, 9, 3.