Mirror Of Fortune
PISCES – (Pebrero 20 – Marso 20) – Niining semanaha aduna kay sudlang transaksiyon nga angay mong tun-an og maayo. Ayaw pagpadala sa boladas. Dupot kang makighinabi sa imong bag-ong silingan. Maabi-abihon ang kahigayonan. Kusog ang imong sex appeal. Suwerte mong adlaw ang Biyernes ug palaran mong numero ang 7, 5, 3.
ARIES – (Marso 21 – Abril 20) – Mosapigad sa imong alimpatakan ang gitugon sa imong amahan. Hingpit na ang desisyon mo sa pagbuwag sa imong barkada. Magtinarong ka na sa imong pagtuon. Moapil ka sa kalihokan sa simbahan. Makadawat ka sa imong kapakyasan. Domingo ang suwerte mong adlaw ug 8, 9, 2 ang palaran mong numero.
TAURUS – (Abril 21 – Mayo 21) – Niining semanaha moalibyo og balik ang imong panglawas. Sundon mo lang ang gipahimangno sa doktor. Gikinahanglan ang regular mong pageksersays. Hunongon mo na gayod ang imong mga bisyo. Makigkita kanimo ang kanhi mong hinigugma. Suwerte mong adlaw ang Sabado ug palaran mong numero ang 5, 2, ug 4.
GEMINI – (Mayo 22 – Hunyo 21) – Mopabor kanimo ang hilisgotan sa uska kompedensiyal nga butang. Mas maayo pang magpakahilom ka na lang aron malikay ka sa kontrobersiya. Itingob mo ang imong atensiyon sa simbahan. Di ka makabalibad sa ihunghong kanimo. Martes ang suwerte mong adlaw ug 3, 8, 9 ang palaran mong numero.
CANCER – (Hunyo 22 – Hulyo 22) – Niining semanaha mahinumdoman mo ra ang gitambag sa imong inahan. Di ka na molaktaw pagsimba matag Domingo. Kinahanglan nga tumanon mo ang imong gisaad. Magmalamposon ka sa imong ambisyon. Kusog ang imong kamadanihon. Suwerte nimong adlaw ang Lunes ug palaran mong numero ang 6, 4, 1.
CAPRICORN – (Disyembre 22 – Enero 21) – Niining semanaha makabalik ka na sa imong kanhing trabaho. Makadawat kag usbaw sa kanhi mong suweldo. Masabtan mo ra ang nakapahasol kanimo. Walay makababag sa imong gipangandoy. Makasinati kag talagsaong katagbaw. Suwerte mong adlaw ang Miyerkoles ug palaran mong numero ang 5, 3, ug 1.
LEO – (Hulyo 23 – Agosto 23) – Makadawat kag pasidungog sa imong kadaogan nga naangkon. Di nimo hikalimtan ang mitabang kanimo. Higayon na kini nga motabang ka sab sa uban. Ayaw kalimot sa pagpasalamat sa Ginoo. Makahibalag kag binuhat nga mounong kanimo. Miyerkoles ang suwerte mong adlaw ug 7, 5, 2 ang palaran mong numero.
VIRGO – (Agosto 24 – Septiyembre 23) – Niining semanaha makadawat kag abiso bahin sa imong aplikasyon. Positibo ang imong gilaoman. Matuman na gayod ang imong pangandoy nga makatrabaho sa abroad nga way dakong galastohan. Tugbangan mo ang mainitong hagit sa kahidlaw. Suwerte mong adlaw ang Huybes ug palaran mong numero ang 8, 4, ug 3.
LIBRA – (Septiyembre 24 – Oktubre 23) – Magpabilin kang mapaubsanon bisan sa krisis nga imong giatubang. Ayaw pagpakawala sa paglaom kay masulbad ra ang imong problema. Adunay mohatag kanimog hinabang. Magmalungtaron ang relasyon nga imong gisudlan. Biyernes ang suwerte mong adlaw ug 2, 1, 6 ang palaran mong numero.
SAGITTARIUS – (Nobiyembre 23 – Disyembre 21) – Mosal-ot sa imong hunahuna ang sayop mong pangagpas. Kinahanglan nga positibo ka sa imong panlantaw sa kinabuhi. Ayaw pagdali-dali sa imong ipakanaog nga desisyon. Mahulipan sa katagbaw ang gibati mong kahaw-ang. Domingo ang suwerte mong adlaw ug 9, 5, 7 ang palaran mong numero.
SCORPIO – (Oktubre 24 – Nobiyembre 22) – Niining semanaha matapos na ang imong proyekto nga wa pa moabot ang dedlayn. Makapadasig sa mga trabahante ang imong ihatag nga insentibo. Daghan ang makagusto sa imong serbisyo. Mohupas ra ang kahiubos nga gihambin. Suwerte mong adlaw ang Sabado ug palaran mong numero ang 5, 4, 3.
AQUARIUS – (Enero 22 – Pebrero 19) – Mapalapdan ang imong panabot sa aspetong espirituhanon human ka makatambong og seminar. Malugwayan na ang imong pasensiya. Dali ka nang makigsandurot sa mga kabos. Kanunay ka nang mosimba. Makabibihag ang imong katahom. Huybes ang suwerte mong adlaw ug 4, 6, 8 ang palaran mong numero.