National Task Force gitukod ni Duterte batok sa mga NPA
ARON matapos na ang communist armed conflict sa nasod, nagtukod og National Task Force si Presidente Rodrigo Duterte.
Sumala sa Executive Order 70 nga gipirmahan sa presidente, gi- institutionalize ang Whole Nation Approach Policy aron makabaton nag kalinaw ug taposon na ang gera tali sa gobyerno ug mga rebeldeng NPA.
Pinasikad sa EO, unahon ug husayon ang paghatag og basic services ug social development packages sa mga conflict area ug vulnerable communities sa nasod.
Tumong usab sa kamandoan sa presidente nga makuha ang partisipasyon sa tanang sektor aron makab-ot ang peace agenda sa gobyerno.
Ang National Task Force nagdepende sa Office of the President. Ang chairman mao ang presidente sa nasod ug vicechairman ang National Security Adviser samtang membro ang uban pang buhatan sa kagamhanan lakip na ang Department of Interior and Local Government, Department of Justice, Department of National Defense, Department of Public Works and Highways, Department of Education, Department of Social Welfare and Development, Presidential Adviser on the Peace Process ug daghan pa.— TNB