Napoles

mihangyo nga dili siya ibalhin ngadto sa Correctional Institute for Women

Bisaya - - Pangunahing Pahina -

MIHANGYO si Janet Lim-Napoles nga dili siya ibalhin ngadto sa Correctional Institute for Women (CIW) ug magpabilin na lang siya sa Camp Bagong Diwa sa Taguig City.

Sa gipagawas nga very urgent motion for reconsideration ni Napoles sa 1st Division sa Sandiganbayan, nahimutang niini nga mameligro ang iyang kinabuhi kon presohon siya sa CIW.

Matod pa, ang gibasehan nganong delikado siya didto sa CIW mao ang iyang kasinatian kaniadto sa dihang napreso na siya didto.

Kahinumdoman nga gipabalhin sa Sandiganbayan si Napoles sa Correctional human nga nahukman siyang guilty sa kasong plunder kalabot sa PDAF scam ni kanhi Sen. Bong Revilla Jr.

Nabilanggo si Napoles sa CIW kaniadtong Abril 2015 hangtod sa Mayo 2017 gumikan sa kasong serious illegal detention pero gibalhin siya sa BJMP facility sa Camp Bagong Diwa.

Samtang sa laing bahin, giklaro ni Atty. Ramon Esguerra kinsa abogado ni Bong Revilla nga walay labot ang kanhi senador sa mga gimandoan sa Sandiganbayan sa pag-uli sa P124 milyones alang sa civil liabilities human nga naabsuwelto kini sa kasong plunder.

Miingon sab si Esguerra nga klaro sa dispositive portion sa anti-graft court nga ang mga napamatud-ang guilty lamang sama kang Napoles ug Atty. Richard Cambe maoy mouli sa naasoyng kantidad.— TNB

Newspapers in Cebuano

Newspapers from Philippines

© PressReader. All rights reserved.