( ANG INYONG KAPALARAN SA ENERO 2 – 8, 2019)

Bisaya - - Pangunahing Pahina - Ni Madam Gertrudes-Lee

PISCES – (Pebrero 20 – Marso 20) – Itugyan mo sa uban ang responsabilidad nga dili mo tulubagon. Wa may daotan nga mosaad sa uban apan tumana ang imong obligasyon sa pamilya. Mogahin kag panahon alang sa simbahan. Masum-ok kag relasyon nga magmalungtaron. Sabado ang suwerte mong adlaw ug 6, 2, 7 ang palaran mong numero.

ARIES – (Marso 21 – Abril 20) – Niining semanaha angay mong tun-an ang sitwasyon sumala sa tinuod nga nahitabo. Mas maayo nga di ka manginlabot aron makalikay sa kontrobersiya. Itingob na lang ang imong panahon sa trabaho. Makasinati kag katagbawan. Suwerte mong adlaw ang Huybes ug palaran mong numero ang 5, 3, ug 4.

TAURUS – (Abril 21 – Mayo 21) – Kinahanglan nga magdaginot kay mag-atubang kag dakong galastohan. Ayaw pagpadala sa boladas sa imong kamanghoran. Mohirit siyag pangayo nga sobra sa iyang gikinahanglan sa eskuylahan. Makapiyong kas lahing kalalim. Miyerkoles ang suwerte mong adlaw ug 2, 1, 3 ang palaran mong numero.

GEMINI – (Mayo 22 – Hunyo 21) – Niining semanaha daghan ang makamatikod sa lahing awra sa imong personalidad. Di ka makabalibad sa mohangyo kanimo. Asikasohon mo ang imong pahat nga trabaho sa simbahan. Pahinuntan mo ang kagustohan sa imong minahal. Suwerte mong adlaw ang Martes ug palaran mong numero ang 8, 4, 7.

CANCER – (Hunyo 22 – Hulyo 22) – Angay kang mangandam kay mag-atubang kag daghang buluhaton. Kinahanglan nga makamao ka nang magbadyet. Mangita kag paagi nga madugangan ang imong income. Di ka malimot sa pagdonar sa simbahan. Kusog ang imong karisma. Lunes ang suwerte mong adlaw ug 3, 2, 7 ang palaran mong numero.

CAPRICORN – (Disyembre 22 – Enero 21) – Gikinahanglan ang maayong pagtimbangtimbang sa imong hunahuna ug emosyon. Di ka angayng magdali-dali sa pagpakanaog og desisyon. Tun-an mog maayo ang detalye aron di ka masugamak. Masabtan mo ang ipasabot sa sinipatan. Domingo ang suwerte mong adlaw ug 4, 1, 7 ang palaran mong numero.

LEO – (Hulyo 23 – Agosto 23) – Niining semanaha mamatikdan ang imong tinagoang abilidad sa pagka lider. Maorganisar mo ang kabatan-onan. Makahimo kag proyekto nga makaugmad sa komunidad. Mosalmot ka sa kalihokan sa simbahan. Seryoso ka sa imong saad. Suwerte mong adlaw ang Sabado ug palaran mong numero ang 5, 1, ug 4.

VIRGO – (Agosto 24 – Septiyembre 23) – Aktibo karon ang imong imahinasyon. Makahimo kag obra nga kahimut-an sa imong mga magdadayeg. Dakokagikatabangngapadayongmagmalinawon ang dagan sa panimuyo. Makadawat kag grasya gikan sa Ginoo. Matagbawon ang romansa. Domingo ang suwerte mong adlaw ug 7, 3, 9 ang palaran mong numero.

LIBRA – (Septiyembre 24 – Oktubre 23) – Niining semanaha moabot ang dugay na nimong gipaabot. Makugang ka sa iyang ibalita. Mahinayon ka na sa pagbiyahe. Matuman na gayod ang imong gipangandoy. Masulbad na ang imong problema. Adunay ihangyo ang minahal. Suwerte mong adlaw ang Biyernes ug palaran mong numero ang 8, 4, 5.

SAGITTARIUS – (Nobiyembre 23 – Disyembre 21) – Niining semanaha makahakgom kag kasinatian nga makaugmad sa imong personalidad. Way makababag sa imong mga plano. Mopabor kanimo ang kahigayonan. Di mo angayng paminawon ang mga tsismis. Kusog ang imong sex appeal. Suwerte mong adlaw ang Martes ug palaran mong numero ang 9, 4, 7.

SCORPIO – (Oktubre 24 – Nobiyembre 22) – Makahimamat kag tawo nga makatabang sa paglambo sa imong negosyo. Mogahin kag panahon alang sa pag-ampo. Mohinabang ka sa mga kabos. Tumanon mo ang imong gisaad. Makigdungan kag hangos human sa parayeg. Huybes ang suwerte mong adlaw ug 3, 6, 2 ang palaran mong numero.

AQUARIUS – (Enero 22 – Pebrero 19) – Niining semanaha kontakon ka sa imong igsoon nga dugay mo nang gikakita. Balitaan ka nga puyde ka nang makatrabaho sa iyang gitrabahoan. Matuman ra gyod ang imong gipangandoy. Makahibalag kag binuhat nga mohatag kanimog kalipay. Suwerte mong adlaw ang Biyernes ug palaran mong numero ang 3, 5, 9.

Newspapers in Cebuano

Newspapers from Philippines

© PressReader. All rights reserved.