Marijuana bill pirmahan ni Pres. Duterte

Bisaya - - News -

GIKLARO ni Presidential Spokesman Salvador Panelo nga dili magduhaduha si Presidente Rodrigo Duterte pagpirma sa medical marijuana legalization bill o ang House Bill 6517 sa diha nga mingtumaw na usab ang mga kiyaw-kiyaw bahin sa paghimong legal sa paggamit sa marijuana isip tambal.

Base usab kini sa panahom ni Miss Universe 2018 Catriona Gray sa iyang tubag sa question and answer diin mipabor siya sa paggamit og marijuana isip medical purposes.

Sumala ni Panelo, daan nang miingon si Duterte nga andam kining mopirma sa bisan unsang balaoron nga iyang maayonan alang sa interes ug kaayohan sa kadaghanan.

Hinuon, una na usab nga gipahayag ni Duterte nga gikinahanglan ang higpit nga regulasyon aron maseguro nga ang mahatagan lang og medical marijuana mao kadtong nagkinahanglan gayod ug dili kadtong mga indibidwal nga ang bugtong tuyo mao lang nga gamiton kini isip bisyo.

Sa pagka karon, ubay-ubay na ang nasod ug may pipila na usab ka estado sa Amerika nga legal na nga minggamit og marijuana.—

Newspapers in Cebuano

Newspapers from Philippines

© PressReader. All rights reserved.