Ang Mahalon nga mga Evening Gown ni Catriona Gray

Bisaya - - News -

ANG bag- ong nakoronahan nga Miss Universe 2018 nga si Catriona Gray nahimong trending sa social media dili lang tungod sa iyang kaanyag ug pangutok apan usab sa iyang gipangsul- ob before and during the pageant.

Gikuha sa Pinay beauty queen ang serbisyo ni Mak Tumang aron maoy modisenyo sa tanan niyang Filipino- inspired costume ug gowns.

Pipila sa obra maestra sa iladong designer mao ang evening gowns nga gisul- ob ni Catriona sa preliminaries ug coronation night nga gibase sa “Ibong Adarna” ug “Mayon Volcano.”

Gitug- an ni Mak kon pila ang presyo sa mga outfit nga gisul- ob sa Bicolana model sa mahinungdanong higayon sa Miss Universe 2018. Hinuon, wala niya isulti ang eksakto nga balor, apan gibutyag niya nga mokapin sa usa ka milyon ka pesos ang matag gown.

Mahal tuod ang maong mga gown apan gipasabot ni Mak nga misaka ang presyo niini tungod sa mga materyal sa matag outfit, nga giadornohan og daghang mahalon nga mga bato.

“Ang bawat isa, hindi bababa sa isa ( milyon). For the materials, yung na- compute namin [ ay] 1 million… Materials pa lang so wala pa yung labor and ibang ginastos doon,” pu’ng pa ni Mak.

Dugang niini, gibutyag usab sa designer nga ang paggama sa sikat na karon nga mga gown dili gamay nga trabaho kay nagkinahanglan kinig 16 ka tawo aron mahipno ang obra maestra alang sa usa ka maanyag nga Pilipina. Naghimo usab siya og pito ka sketches aron duna silay daghang opsiyon nga papilian ni Catriona sa panahon sa importanteng coronation night.

“Yung humawak niyan, nasa 16 people… For the final sketches, nag- produce ako ng 7 sketches. Yung 5 concepts doon, original ko. Yung dalawa doon, sa kaniya. Pero yung napili, yung Mayon and Adarna [ were] my proposals talaga…” Maoy tug- an ni Mak Tumang.

Ang “Ibong Adarna” nga gisul- ob niya nga preliminary gown inspired sa ‘ Ibong Adarna’: usa ka prominenteng Filipino folklore. Samtang sa laing bahin ang lava gown nga gisul- ob niya sa coronation night inspirasyon usab sa iconic Mayon Volcano sa Albay. These gowns are fit for a queen and artworks to wear!

Sa pagdaog ni Catriona sa Miss Universe, gikonsiderar siya nga usa ka modern- day Daragang Magayon. Kay gihambin niya ang kaanyag, kalantip sa salabotan ug nagbaga nga pasyon sa pagtabang ilabi na sa kabataan sa Tondo.

Si Catriona Gray mao ang usa sa labing popular sa mga nakoronahan nga Miss Universe. She is really on fire. She erupts with lava of grace and goodness. Gani, mibanaw ang dakong paglaom ug garbo sa mga Pilipino sa pagsul- ob niya sa $ 250,000 o P12.5 M nga Mikimoto crown.—

Newspapers in Cebuano

Newspapers from Philippines

© PressReader. All rights reserved.