NAHILAHING SILING PANGTINUWA GIKAN SA KNOWN-YOU SA TAIWAN

Bisaya - - News - Ni ZAC B. SARIAN

NIADTONG mingbisita mi sa experimental farm sa Known- You Seed sa Taiwan, nangutana mi kang Becky Wang kon halang ba ang tanang ginama nilang siling pangtinuwa. Si Becky Wang usa ka dalagang plant breeder nga in- charge sa paggama og hybrid nga sili.

Unsay iyang tubag? Oo, halang ang tanan gawas lang sa usa ka bag- o nilang nadiskobrehan apan ingon sa dili kaayo interesado ang mga tinugyanan sa marketing kun pagbaligya sa mga binhi. Basin kon wala kaayoy mopalit niini.

Ang maong nahilahing barayti mao ang Point Man. Nagpupo si Becky og usa ka lunhaw nga linghod nga bunga apan dako na usab. Giputol niya kini ug gipatilawan kanako. Naka- wow ko sanglit nahinumdoman nako ang matang sa sili nga pangtinuwa usab nga gitanom sa mga mag- uuma sa Dakbayan sa Batac diin kami nagdako. Lamian kini ug walay halang ug maayong isagol sa pinakbet alang niadtong dili mokaon og pinakbet o kaha niadtong dili mokaon og halang nga mga pagkaon. Puyde usab kining lutoon nga sama sa adobo nga walay laing sambog nga utanon. Yano lang. Lutoon kini sa diyotayng tubig, suka, ahos, ug pipila ka hiwa sa karne sa baboy o kaha bagnet ug templahan kinig asin ug patis. Ingon lang niana kayano.

bunga, mamahimo na usab kining halang.

Sa among paniid, daghan usab ang ganahan mananom og dili halang nga siling pagtinuwa sa atong nasod sanglit daghan man usab ang dili ganahan og halang. Kamatuoran, daghan mig nailhan sa Manila nga nag- ingon nga nakaayon sila sa natilawan nilang siling walay halang nga gikan sa Ilokos. Ang mitaliwan na namong higala nga si Belen Ocampo, usa ka adunahang negosyante, kanunayng nangitag binhi niini kay iya kunong itanom sa iyang umahan sa Batangas. Among gisugyot kang Aubry nga magdala og binhi sa Point Man dinhi sa Pilipinas.

UBAN PANG BARAYTI – Daghan pang laing barayti sa siling pangtinuwa nga nakita namo sa umahan sa Known- You. Usa na niini mao ang barayti nga Zesy. Medyo krema ang bunga niini, bagaon og panit ug undanon. Dinaghan usab kini kon mamunga. Tan- awa ang hulagway nga gipataban ning sinulat. Aduna pay laing matang nga walay ngalan gawas sa codename niini nga BF2121. Lunhaw kaayo, tag- ason pero di kaayo dagko apan labihan kunong halanga, matod ni Becky.

Ang uban pang halang nga pangtinuwa nga sili gikan sa Known- You mao kining mosunod: Temptation, Group Zest, Passion, A- May, Kris, Gladius, Carmen, Boost, Jala Babe ug Bf- 1962.

Atong paaboton ang pagdala dinhi sa atong nasod sa Known- You Philippines niining binhi sa Point Man ug uban pang bag- ong hybrid nga sili nga pangtinuwa gikan sa Taiwan.—

Gipakita ni Becky Wang ang daghang bunga sa barayti sa siling pangtinuwa nga Point Man. Dili kini halang kon linghod pa apan labihan usab niining halanga kon hinog na.

Lain sab kining maong barayti sa siling pangtinuwa gikan sa Known-You. Labihang daghana kon mamunga ug labihan usab kahalang niini.

Namungingi sa bunga ang siling pangtinuwa nga Zesy nga gama gihapon sa Known- You Seed.

Newspapers in Cebuano

Newspapers from Philippines

© PressReader. All rights reserved.