Catriona Gray Miss Universe 2018
BULAHAN na sab ta! Sa unang bahin pa lang sa sayong pagpangandam niini lang milabayng Disyembre 13 kalabot niining labihan kaprestihisoyong kompetisyon sa tibuok kalibotan (mas pamoso sa figure of speech nga ‘ entire universe’), sa 94 ka kandadidata, standout gyod dayon ang atong pambato nga si Catriona Gray sa gipahigayong preliminary competition didto sa Bangkok, Thailand.
“Gray really received loudest cheers from the audience!” tuaw sa usa sa mga Pilipina (OFW) nga nakasaksi sa talagsaong pagpangandam sa ‘Miss U’ sa dihang gipangayoag komento sa usa ka TV reporter sa Thailand. “I am a Filipina and I should be proud of. Mabuhay, Pilipinas!”
Nakasulod dayon sa Top 20 si Catriona. Ang Top 20 maoy micompete sa Grand Finals’ coronation night niadtong petsa 17 sa Disyembre.
Sa opening segment sa naasoyng preliminaries, ang atong 24 anyos nga mestisa Bikolanang model-singer ug record holder gayong beauty queen sa mga ‘search’ dinhis Pilipinas, wala gayod maiwit sa dihang mirampa na uban sa 93 ka kandidata gikan sa nagkalainlaing nasod. Sa naasoyng opening production number, gipangsul-ob sa candidates ang costume nga pulos disenyo sa world’s famous and award-winning fashion designer nga si Sherri Hill.
Sa gabii sa usa pa ka bahin sa evening gown competition, morag nahitiurok ug nakapanglad-ok sa kahingangha ang kadaghanan pagkakita kang Catriona Gray. Si Catriona morag ang bag-ong diwata sa Bulkang Mayon nga matultolong mirampa ug mi- slow mo turn sa runway pinaagi sa iyang ‘lava walk’ sul-ob ang custommade gown nga gidisenyo sa Kapampangang fashion designer nga si Mak Tumang.
Maingon nga bulahan sab kaayos Catriona tungod kay sa swimsuit competition, ang gipasul-ob kaniya mao gayod kadtong dinisenyo sa pinalanggang prinsesa sa Thailand nga si Sirivannavari Nariratana.
Ning tuiga, sa Grand Finals Night, pulos babaye ang napili nga maoy motibuok sa panel of judges diin gipangunahan nilang Bui Simon (Thailander nga Miss Universe sa 1988), ug Michelle McLean, (Namibian Miss Universe sa 1992 ).
Gikan sa kinatibuk-ang 94 down to Top 20 dayon Top 10! Sama sa iyang gibuhat sa preliminaries, sa pagrampa mipakita na sab sa iyang iconic slow-mo turn si Catriona sa pamoso kaayo niyang ‘lava walk’.
Sa Swimsuit, sa gihapon, dinisenyo sa prinsesa sa Thailand ang gisul-ob ni Catriona nga kolor orange uban ang 9 ka bagtik nga mga kandidata: South Africa, Vietnam, Venezuela, Costa Rica, Curacao, Nepal, Canada, Thailand, ug Puerto Rico.
Sa iyang 15-second opening statement, si Catriona nagkanayon: “Working in some of the poorest areas of my country, I found that it was a lack of child support not poverty that killed their dreams. A child once told me, ‘Cat, it’s just not my life and those dreams are not for me’ but I stand here today because someone believed in me and we owe it to our children to believe in them.” Ug sa siya gipangutana unsay iyang stand sa paggamit sa marijuana ( for legal use), ang iyang tubag: “I’m for it being used for medical use, but not so for recreational use. Because I think if people will argue then what about alcohol and cigarettes? Everything is good but in moderation.”
Bulahan na sab ang Pilipinas sa kalamposang nakab-ot ni Catriona. Kining pagdaog ni Catriona Gray maoy ikaupat nga koronang naangkon sa Pilipinas sa kasaysayan sa ‘Miss U’ sukad sa 1952’. Nauna kang Catriona sila si Gloria Diaz (1969), Margarita Moran (1973), ug Pia Wurtzbach (2015).
Mabuhay, Filipinas!—
Ikaupat nga korona nga naangkon sa Pilipinas sa kasaysayan sa ‘Miss U’ sukad sa 1952.