Mirror Of Fortune
PISCES – (Pebrero 20 – Marso 20) – Dako kag ikatabang nga masulbad ang kaguliyang sa pamilya. Gamitan mog diplomasya nga makasabot ra ang imong mga igsoon. Hatagan mog higayon ang imong kaugalingon nga makarelaks. Magmalipayon ang sudlan mong relasyon. Domingo ang suwerte mong adlaw ug 9, 8, 1 ang palaran mong numero.
ARIES – (Marso 21 – Abril 20) – Niining semanaha mokusog ang halin sa imong tindahan. Makalahutay ka na sa kompetensiya. Magbinuotan na ang kamanghoran kay motabang na kini sa mga gimbuhaton sa balay. Di ka makabalibad sa hangyo sa imong minahal. Suwerte mong adlaw ang Miyerkoles ug 6, 4, 2 ang palaran mong numero.
TAURUS – (Abril 21 – Mayo 21) – Makahinumdom ka sa gitambag sa imong inahan. Likayan mo ang pagpakighugoy sa mga barkada. Dupot ka nang magtuon sa imong mga leksiyon. Tumanon mo ang imong gisaad nga mahimong enhinyero. Kusog ang imong sex appeal. Huybes ang suwerte mong adlaw ug 3, 7, 4 ang palaran mong numero.
GEMINI – (Mayo 22 – Hunyo 21) – Niining semanaha masipong mo na ang imong gipanidan nga mga panghitabo. Segurohon mo lang nga di mosipyat ang imong pangagpas. Andam ka nang mopasaylo sa imong gikasilo. Makapiyong ka sa lahing dalit sa kalalim. Suwerte mong adlaw ang Biyernes ug palaran mong numero ang 8, 5, ug 3.
CANCER – (Hunyo 22 – Hulyo 22) – Magmabungahon ang imong pagpanglimbasog alang sa imong pamilya. Makatapos sa pagtuon ang imong mga anak. Ayaw kalimot sa pagpasalamat sa Kahitas-an. Way makababag sa imong pag-asenso. Mahulipan sa katagbaw ang imong kahidlaw. Martes ang suwerte mong adlaw ug 1, 9, 2 ang palaran mong numero.
CAPRICORN – (Disyembre 22 – Enero 21) – Masangkaron ang imong umaabot. Daghan ang mosalig sa imong katakos. Magustohan ang ihatag mong serbisyo sa imong mga kostumer. Dako pa ang purohan nga mahanas ka sa bag-o mong nakat-onan. Mahuwasan ra ang imong kahidlaw. Lunes ang suwerte mong adlaw ug 4, 3, 2 ang palaran mong numero.
LEO – (Hulyo 23 – Agosto 23) – Niining semanaha daghan kag mahuman nga trabaho. Taas ang lebel sa imong kadasig human ka mapromote. Matuman na gayod ang imong gilaraw. Dawaton mo na ang pagka lider sa simbahan. Modungan ka sa pagtungas sa himaya. Suwerte mong adlaw ang Miyerkoles ug palaran mong numero ang 4, 8, 6.
VIRGO – (Agosto 24 – Septiyembre 23) – Maagni ka pagkuyog sa uska ekskursiyon. Daghan kag makat-onan nga magamit sa imong asaynment. Itingob mo na ang imong panahon sa pagtuon aron makatapos ka na sa imong kurso. Makahibalag kag binuhat nga ikasalo mo sa kalipay. Domingo ang suwerte mong adlaw ug 7, 3, 5 ang palaran mong numero.
LIBRA – (Septiyembre 24 – Oktubre 23) – Niining semanaha magmapuslanon ang imong pagpulaw. Daghan ang makadayeg sa imong obra maestra. Di masundog ang imong estilo. Dako kag ikatabang nga maugmad ang katakos sa kabatan-onan. Tugbangan mo ang kamainiton sa romansa. Suwerte mong adlaw ang Huybes ug palaran mong numero ang 9, 6, ug 2.
SAGITTARIUS – (Nobiyembre 23 – Disyembre 21) – Niining semanaha mahuman na ang talagsaong disenyo nga imong gipulawan. Daghan ang gustong moorder niini. Kinahanglan nga madugangan ang imong puhunan aron makapalit kag dugang materyales. Di mo malimtan ang dalit sa parayeg. Suwerte mong adlaw ang Lunes ug palaran mong numero ang 5, 2, 9.
SCORPIO – (Oktubre 24 – Nobiyembre 22) – Pahimuslan mo ang kahigayonan nga madugangan ang imong kahibalo. Ipaambit mo sa uban ang imong makat-onan. Optimistiko kang magmalamposon ang tukoron mong negosyo. Daghan ka pag makat-onan. Moapaw ang katagbaw nga ikadalit. Biyernes ang suwerte mong adlaw ug 3, 1, 7 ang palaran mong numero.
AQUARIUS – (Enero 22 – Pebrero 19) – Niining semanaha mosamot kataas ang lebel sa imong kadasig. Makadawat kag balita nga mahinayon ka na pagkatrabaho sa imong giaplayan. Nadungog na gayod ang imong pag-ampo. Magmalaomon ka kanunay. Pahinuntan mo ang mga parayeg. Suwerte mong adlaw ang Sabado ug palaran mong numero ang 5, 6, ug 7.