Iyas la Salle National Writers’ Workshop
ANG Ika-19 nga IYAS La Salle National Writers’ Workshop bukas na sa pagpanawat og aplikasyon. Ning tuiga, ipahigayon kini karong umaabot Marso 31 ngadto sa Abril 6, 2019 ug adto gihapon sa Balay Kalinungan, sa University of St. La Salle, sa Dakbayan sa Bacolod.
Ang IYAS giorganisar sa University of St. La Salle (USLS) sa pakigtambayayong sa DLSU Bienvenido N. Santos Creative Writing Center (BNSCWC) ug gisuportahan usab sa National Commission on Culture and the Arts (NCCA) ingon man sa Institute for Climate and Sustainable Cities (ICSC).
Ang workshop director ning tuiga mao si John Iremil Teodoro. Ang panel sab gilangkoban nila ni Marjorie M. Evasco, Grace Monte de Ramos, Susan Lara, D.M. Reyes, ug Em Mendez. Sila si Elsie Martinez Coscoluella, Ronald Baytan, ug IYAS Project Coordinator Rayboy Pandan moabag usab isip kabahin sa panel.
Ang screening committee sa workshop fellowship modawat sa mamugnaong mga obra sa Hiligaynon, Cebuano, Kinaray-a, Filipino, ug English. Ang fellowship iga- award agad sa dyenra ug pinulongan.
Ang mamugnaong mga salmot nga nag-eksplor sa tawhanong kalambigitan uban sa kalikopan ( environment) maoy mas palabihon ning maong fellowships. Napulog duha ka aplikante ang palarang makapahimulos sa talagsaon kaayong kahigayonan isip fellow nga maglakip na sa transportation subsidy ug board and lodging. Rekwayrment sa Aplikasyon 1.) Ang salmot kinahanglang orihinal, wala pa mapatik sukad sa maong gipili nga dyenra ug pinulongan sa bisan hain niini: 6 ka balak ( poems), 2 ka mugbong sugilanon ( short stories), o 2 ka usa-ka-akto nga dula ( one-act plays);
2.) Ang mga Obra kinahanglang tulo (3) ka computer-encoded hard copies, sa font size nga 12 pts., doble espasyo; ug
3.) Usa ka mubong resume, uban sa usa ka pahina nga pinatikan sa ID photo sa aplikante ingon man kompletong impormasyon unsaon siya pagkontak ( residence address, email address, contact number).
Giawhag ang tanan sa pagpadala sa ilang aplikasyon ug tanang rekwayrment hangtod sa Pebrero 7, 2019 ngadto kang: Dr. John Iremil E. Teodoro IYAS La Salle National Writers’ Workshop Director Bienvenido N. Santos Creative Writing Center Room 208 Miguel Hall De La Salle University, 2401 Taft Avenue, Malate, 0922 Manila Sa dugang kasayoran, mahimong motawag sa DLSU BNSCWC (632) 5244611 local 233; o mag-email sa bnscwc@dlsu.edu.ph.