CHECK UP, DIAGNOSTIC TEST IPALAKIP SA PHILHEALTH

MAY igong pundo ang Philippine Health Insurance Corp. aron magahinan ang galastohan sa pagpa- check-up ug diagnostic ( blood test) sa mga Pilipino.

Mao kini ang gibutyag ni Anakalusugan Partylist nominee Michael Defensor. Matod niya, ang PhilHealth sama sa insurance company ug may mga membro niini nga nakadawat og tukmang benepisyo samtang ang uban wala.

Gihisgotan ni Defensor ang pagkapakyas sa PhilHealth sa paghatag og patas nga access sa medical services ug procedures ( preventive ug curative) sa tanang mga Pilipino taliwala sa katungdanan niini sa paghatag og insurance coverage sa mga nanrabaho sa gobyerno o sa pribadong sektor, indigent, senior citizens ug sponsored members.

“Ang PhilHealth ay merong P105 bilyong pondo. Sa ilalim ng Universal Health Care, tataas ang halagang ito sa P160 bilyon. Kung meron kang sakit, merong segurong gagarantiya sa ating bayarin— iyan ang papel ng PhilHealth. Pero ang mga diagnostic at check-up nito ay nakapokus lang kapag may malubha kang sakit o na-confined ka sa ospital. Ang adbokasya namin ay itulak na isama ang diagnostic test at check up bago ka pa man magkasakit,” matod ni Defensor.

Miingon sab si Defensor nga angay usab nga ilibre ug ilakip sa PhilHealth ang mga maintenance nga tambal nga makatabang sa tulo ka nag-unang hinungdan sa kamatayon sa nasod nga mao ang heart related-diseases ug stroke, cancer ug diabetes.

Kaniadtong Nobiyembre 2018 mikita ang PhilHealth og P8 bilyones, pito ka higayon nga misaka gikan P1 bilyon nga net kaniadtong 2017.—