Mirror Of Fortune
( ANG INYONG KAPALARAN SA PEBRERO 27 – MARSO 5, 2019)
PISCES – (Pebrero 20 – Marso 20) – Pangandaman mog maayo ang umaabot nga dakong selebrasyon sa pamilya. Mouli ang imong mga igsoon nga nagtrabaho sa layo. Matuman na ang imong gilaraw. Makombensir mo ang imong silingan nga mosimba. Matagbawon ang romansa. Sabado ang suwerte mong adlaw ug 7, 5, 4 ang palaran mong numero.
ARIES – (Marso 21 – Abril 20) – Niining semanaha mahuman na ang pagtikad sa imong umahan. Mogamit kas imong nakat-onan sa bag-ong pamaagi sa panguma. Panalanginan ang imong pagpaningkamot. Padayon kang magserbisyo sa simbahan. Kusog ang imong karisma. Suwerte mong adlaw ang Biyernes ug palaran mong numero ang 6, 4, 2.
TAURUS – (Abril 21 – Mayo 21) – Magmatngon ka sa imong isulti nga way mahiubos kanimo. Likayan mong mahiapil sa kontrobersiya. Itingob mo ang imong panahon sa pagtuon. Dako ang purohan nga makakuha kag kontrata human sa imong proyekto. Makapiyong kas kalalim. Huybes ang suwerte mong adlaw ug 3, 2, 5 ang palaran mong numero.
GEMINI – (Mayo 22 – Hunyo 21) – Niining semanaha matugkad mo ang kaseryoso sa imong higala nga moapil sa prayer meeting. Di ka mohunong sa pag-agakay sa imong mga igsoon nga mahiduol sa Ginoo. Makadawat kag sorpresang regalo. Masabtan mo ang pasiplat. Suwerte mong adlaw ang Miyerkoles ug palaran mong numero ang 5, 1, ug 8.
CANCER – (Hunyo 22 – Hulyo 22) – Magmalamposon ang ipahigayon mong kalihokangtsaritabol.Daghanangmakabenepisyo sa imong pagka manggiluy-on. Makakuha kag suporta gikan sa simbahan. Way makabalda sa maayo mong tinguha. Mahatagag katumanan ang imong kahidlaw. Lunes ang suwerte mong adlaw ug 9, 2, 7 ang palaran mong numero.
CAPRICORN – (Disyembre 22 – Enero 21) – Matapos na ang gihimo mong panukiduki. Daghan kag materyal nga magamit sa imong proyekto. Tabunok ang imong imahinasyon. Makamugna kag obra maestra nga mahimong klasiko. Masum-ok kag abenturang gugmahanon nga magmalungtaron. Lunes ang suwerte mong adlaw ug 8, 3, 1 ang palaran mong numero.
LEO – (Hulyo 23 – Agosto 23) – Niining semanaha mopabor kanimo ang maayong kahigayonan. Adunay motanyag kanimog tabang apan tun-an mog maayo ang maong pabor. Makatabang ka sa uban pinaagi sa pagpaambit sa imong kahibalo. Makatagamtam kag talagsaong katagbaw. Suwerte mong adlaw ang Domingo ug palaran mong numero ang 7, 3, 1.
VIRGO – (Agosto 24 – Septiyembre 23) – Makontrolar mo na ang pagpaturagas sa paggasto. Kinahanglan nga makamao ka na gayod sa pagbadyet sa imong kinitaan. Hatagan mog prayoridad ang importanteng galastohan. Makadawat kag grasya sa kanunayng pag-ampo. Mainit ang romansa. Martes ang suwerte mong adlaw ug 2, 6, 8 ang palaran mong numero.
LIBRA – (Septiyembre 24 – Oktubre 23) – Niining semanaha maayo ang lakat sa imong panginabuhi. Dako ang imong maani sa umahan. Ipaambit mo ang imong kahibalo. Mobinag kag hinabang sa mga kabos. Di ka angayng magpabiling maghago sa imong lawas. Dugosnon ang romansa. Suwerte mong adlaw ang Biyernes ug palaran mong numero ang 7, 3, 4.
SAGITTARIUS – (Nobiyembre 23 – Disyembre 21) – Niining semanaha daghan ang makamatikod sa imong lahing awra sa personalidad. Dako kag ikatabang nga mausab ang batasan sa imong manghod. Ipadayon mo ang imong pagtuon bisan aduna ka nay trabaho. Makawiwili ang romansa. Suwerte mong adlaw ang Miyerkoles ug palaran mong numero ang 5, 3, ug 7.
SCORPIO – (Oktubre 24 – Nobiyembre 22) – Mahilambigit kag mahinungdanong diskusyon. Magmalamposon ang ipahigayon mong negosasyon. Mapahimuslan sa katawhan ang mahimo mong proyekto. Malikay ang kabatan-onan sa hiwing mga bisyo. Maganoy ka sa maaghatong haylo sa parayeg. Sabado ang suwerte mong adlaw ug 9, 2, 6 ang palaran mong numero.
AQUARIUS – (Enero 22 – Pebrero 19) – Niining semanaha masayran mo nga maapil ka sa promosyon. Paningkamotan mo nga doblehon pa ang kakugi. Dako ang posibilidad nga ipadala ka sa abroad sa gitrabahoan mong kompaniya. Modungan ka sa pagtungas sa himaya. Suwerte mong adlaw ang Huybes ug palaran mong numero ang 4, 7, 6.