Bisaya

Diokno haom nga gobernador sa BSP – Erap

-

GIKALIPAY ni Manila Mayor Joseph Estrada ang pagpili ni Presidente Rodrigo Duterte kang Budget Secretary Benjamin Diokno isip gobernador sa Bangko Sentral ng Pilipinas (BSP).

Sumala ni Estrada, ang pagpili ni Duterte kang Diokno isip BSP governor maoy pagmatuod sa kataas sa integridad niini.

Si Diokno usa usab ka Budget secretary kaniadto nga si Estrada pay presidente.

Matod ni Estrada nga maong iyang gipili si Diokno isip Budget chief kaniadtong presidente pa siya gumikan sa pagka eksperto niini bahin sa pinansiyal.

Nabantog si Diokno nga maayong laki sa financial analysis ug fiscal management maong misalig kaayo si Estrada kaniya.

Nagtuo sab si Estrada nga anaa sa maayong pagdumala ang BSP ubos sa liderato ni Diokno ug labi pa kunong mapalig-on niini ang banking and financial institutio­n sa nasod.—

 ??  ??

Newspapers in Cebuano

Newspapers from Philippines