( ANG INYONG KAPALARAN SA ABRIL 17 – 23, 2019)
PISCES – (Pebrero 20 – Marso 20) – Niining semanaha mahuman na ang gipahat mong gimbuhaton. Dako na ang kausaban sa imong panginabuhian. Daghan ang gustong mangayo kanimog tambag. Way makababag sa imong maayong mga laraw. Ikahimamat ang kanhi mong hinigugma. Suwerte mong adlaw ang Martes ug palaran mong numero ang 3, 4, 6.
ARIES – (Marso 21 – Abril 20) – Maglulinghayaw ka usab bisag subsob sa trabaho. Aduna kay ikaila nga makatabang sa imong giatubang nga problema. Magmaigmat ka kanunay. Di ka na mosipyat sa imong pangagpas sa umaabot. Mohatag kag makahuloganong pasiplat. Miyerkoles ang suwerte mong adlaw ug 1, 9, 2 ang palaran mong numero.
TAURUS – (Abril 21 – Mayo 21) – Niining semanaha makabaton kag madasigong hunahuna. Dali rang mahuman ang imong asaynment. Molurang ra ang kaaburido sa imong kapikas. Kinahanglan nga paraygan mo siya. Pahinuntan mo ang diktar sa kasingkasing nga giuhaw. Suwerte mong adlaw ang Domingo ug palaran mong numero ang 4, 3, 5.
GEMINI–(Mayo22– Hunyo21)– Mopaundayon ka sa paborableng kahigayonan. Makadawat kag grasya sa imong pagka maampoon. Way makawang sa imong gipangandoy. Ayaw paglugak sa imong pagpanglimbasog. Matuman ra ang imong ambisyon. Kusog ang imong karisma. Sabado ang suwerte mong adlaw ug 7, 8, 1 ang palaran mong numero.
CANCER – (Hunyo 22 – Hulyo 22) – Niining semanaha mangandam ka sa imong pagbiyahe sa layong lugar. Makabaton kag kalinaw sa kaisipan inigbalik sa imong pagbakasyon. Motaas ang lebel sa imong kadasig. Masum-ok kag abentura sa gugma nga makalipay kanimo. Suwerte mong adlaw ang Huybes ug palaran mong numero ang 5, 3, 2.
CAPRICORN – (Disyembre 22 – Enero 21) – Niining semanaha mobalik na ang kalagsik sa imong panglawas. Sundon mo lang ang gitambag sa doktor. Ipadayon mo ang regular nga pag-eksersayis. Likayan mo na ang sobrang pagtrabaho. Maglulinghayaw ka kauban ang imong minahal. Suwerte mong adlaw ang Lunes ug palaran mong numero ang 9, 8, 4.
LEO – (Hulyo 23 – Agosto 23) – Gamitan mog diplomasya ang pagpanton sa imong manghod. Lugwayan pa ang imong pasensiya. Makatapos ra siya sa iyang pagtuon bisag may pagka buyagon. Ayaw paghunong sa pag-ampo. Makigdungan ka paghangos aron makatungas sa himaya. Lunes ang suwerte mong adlaw ug 8, 7, 6 ang palaran mong numero.
VIRGO – (Agosto 24 – Septiyembre 23) – Niining semanaha nagkinahanglan kag pailob aron magmalamposon ang gipahigayon mong negosasyon. Makabenipisyo ang mga kabos sa imong pagpaningkamot. Ayaw paghunong sa pagtabang sa uban. Mosangpot sa paghangos human sa parayeg. Suwerte mong adlaw ang Biyernes ug palaran mong numero ang 9, 2, 7.
LIBRA – (Septiyembre 24 – Oktubre 23) – Mapahimuslan mo ang tinagoan mong abilidad. Madugangan ang imong kinitaan. Makatigom ka na kay makakat-on ka na sa pagbadyet. Ayaw tugbangi ang pagpanaway sa imong silingan. Itingob ang panahon sa pag-ampo. Matagbawon ang romansa. Sabado ang suwerte mong adlaw ug 5, 3, 8 ang palaran mong numero.
SAGITTARIUS – (Nobiyembre 23 – Disyembre 21) – Adunay mosulay sa imong katakos. Ipakita mo ang imong talagsaong abilidad. Magmalamposon ka sa imong gitinguha. Daghan ang mokuha sa imong serbisyo. Di molampos ang gustong manghimaraot kanimo. Dugosnon ang salohang romansa. Martes ang suwerte mong adlaw ug 7, 3, 5 ang palaran mong numero.
SCORPIO – (Oktubre 24 – Nobiyembre 22) – Niining semanaha madugangan ang pagsalig sa imong kaugalingon. Dali ka rang makakombensir sa imong isigkaingon. Daghang mosuportar sa imong ihat-ad nga mga ideya. Ituboy kang lider sa inyong komunidad. Kusog kag sex appeal. Suwerte mong adlaw ang Domingo ug palaran mong numero ang 6, 2, 4.
AQUARIUS – (Enero 22 – Pebrero 19) – Makahuloganon ang gisulti sa imong ugangan. Angay lang nga hatagan mog atensiyon ang imong pamilya. Itingob ang imong panahon sa pagpaningkamot. Di ka na mag-usik og panahon sa barkada. Bation mo ang kalalim sa katagbaw. Huybes ang suwerte mong adlaw ug 5, 3, 2 ang palaran mong numero.