Dili na gayod ikalimod ang kausaban sa mga kabatanonan karon. Sagad, gugma o maoy ang giatiman!

niadto, naamgohan niya nga isip usa ka batan-on dako ang iyang potensiyal ug reponsabilidad sa pag-amuma sa kalibotan.

Mituo siya nga dakong responsabilidad sa kabatan-onan nga himoon ang kalibotan nga mas mabulokon nga pinuyanan alang sa umaabot nga mga henerasyon. Ang siyensiya ang instrumento nga makatabang niini. Iyang damgo nga ang umaabot nga henerasyon magtamod unta sa siyensiya isip tigatiman sa atong puluy-anan— ang kalibotan.

Bisan pa man sa iyang kapildehan gikan sa unang pagsalmot niadtong tuig 2016 sa iyang bidyo nga Feynman’s path integrals diin nakuha niya ang ikatulo nga ganti, wala siya nagduhaduha pag-apil og usab sa misunod nga tuig. Wala siya magpadaog sa iyang kapildehan. Mibarog siya nga naghinam- hinam sa kadaogan bisan pa sa kalisod ug kakuti sa proseso aron lamang maperpekto ang iyang trabaho.

Gianunsiyo ang kadaogan ni Hillary sa Breakthrough Prizes Ceremony didto sa NASA Ames Research Center sa Silicon Valley niadtong ikatulo sa Disyembre 2017. Nadawat niya ang tropeyo ug ang US$ 250,000 nga kantidad sa scholarship sa mga unibersidad sa sulod o sa gawas sa nasod nga maangayan niya. Napiskan sa kalamposan ni Hillary ang iyang tunghaan, ang Philippine Science High School, Eastern Visayas pinaagi sa pagpa- renovate sa ilang library. Nahatagan pod og ganti ang iyang magtutudlo sa siyensiya, kinsa nakadasig kaniya sa paghimo sa maong entry.

Pangandoy nako nga mahimong susama kang Hillary ang akong mga tinun- an— kuryoso ug lunos sa kaalam sa siyensiya. Ang iyang kadaogan lanog nga mensahe sa kabatan- onan nga Pilipino nga walay imposible kon may gusto kang kab- oton nga pangandoy sa kinabuhi. Ang iyang tingog nag- alingawngaw sa pag- aghat sa kabag- ohan, sa pagatiman, sa paglihok kay nakita niya sa palibot kon unsay angayng hatagan og solusyon.

Tungod sa siyensiya ug teknolohiya nga nahimong tulay sa iyang pagsuyop ug pagpakatap sa kaalam, nahimong sumbanan si Hillary sa kabatan- onan sa tibuok nasod— sa tibuok kalibotan. Gisangyaw niya ang iyang kadaogan isip usa ka ahente sa paggamit sa atong kahimanan sama sa facebook, youtube, ug uban pang social media sa sakto nga paagi.

Dako akong pagdayeg kang Hillary samtang nagtan- aw sa iyang latest videos sa youtube ug samtang ang akong mga estudyante pod nagpunay pagwiris- wiris sa blakbord ug naminaw sa latest issue ni Gerald Anderson ug Bea Alonzo sa ilang lingkoranan.

Unyang gabii, maghunahuna pa kog mas epektibong teaching strategies aron sila akong maagni sa pagtan- aw sa tinuod nga mithi ug bituon sa kinabuhi nga wala lang mapreso sa upat ka suok sa ilang gadgets. –