Ang Kahibulongang Panaw sa Pagpangita Bulong sa
D( Akto 8) Dungog Way- Sulod UHA ka tawo nag- away. Usa nagpataliwala. Nakapagubot sila sa pantalan.
“Akoa ni. Nia sa kamot ko unya agawon mo?” matod sa nagbonete. Hugot gikuptan ang bolang kristal nga may mapa sa kalibotan.
“Bakakon,” matod sa upaw. “Kon naa diay sa imong kamot, imo na?”
“Yuna, yuna,” matod sa miulang.
Ang duha miaksiyon nang maglayog. “Patalinghog sa inyong konsensiya.”
Ang mga tumatan- aw masaba ug tagsa- tagsa may ilang gidapigan. Ug nahitabo ang karambola. Nagpabiling nagbarog ang nag- ulang. “Magmalinawon kamo, magmalinawon kamo,” nagkanayon siya. Tigulang na.
“Ayaw hilabti siya,” matod ni Niko. Gipasabot ang tigulang.
Silang mga estudyante namidpid aron makapadayon ngadto sa abotanan sa tulunghaan.
Ang upaw mibunal kang Niko. Nasaypan niya kining kauban sa iyang kontra. Naigo si Niko sa kilid ug misanting ang sakit. Gibutang nilang Ped ug Ben ang ilang maleta. Tabangan nila og malmal ang upaw.
Misibog si Niko. Ug ang upaw mihana pagbunal pagusab. Naiknat ang iyang kilid. Giutong niya ang sakit atubangan sa peligro.
Unya may kuryente mikanay- kanay sa mga bukton ni Niko. Giwaling lang niya ang bunal. Nalagpot. Misuntok ang kaatbang. Wa makadapat sa nawong ni Niko.
Ang kuryente sa iyang lawas may kabuot. Sa dihang siya dapatan sa nagbadyong nga kumo, kini naunhan ni Niko. Milagubo ang dughan sa upaw.
Naatras ang upaw ug mihamag. Doble- doble ang suntok ni Niko ug nabalista ang upaw.
Ang tanang naghinan- aw nahibulong sa kaabtik daw kilat ni Niko. Nagtuo sila nga siya may kalaki. Gani, nagpanaw pagpangitag aksiyon sa ubang may kalaki.
Giduol ni Niko ang upaw ug gitunol ang iyang palad ug kini gidawat. Gipagakpakan sila. Nawala ang nanag- away. Ang bolang kristal miligid ngadto sa dagat ug mitislob. Sa dormitoryo, nagkulukabildo sila si Niko ug pila ka kauban. Bahin sa ilang katuyoan. Ang pagpalista sa tulo ka tunghaan— naila nga tulo ka tawo Aumakua, Lono ug Ku— sa gahom nga makasulbad sa tanang suliran.
Lainlain ang mga suliran nga ilang dala, may bahin sa pamilya, sa negosyo, relasyon sa katilingban, sa maayong panglawas, ug uban pa.
Niining buntag niya ni Niko nga nahiuli na siya sa Valencia. Nagbalita ang telebisyon ug mga patay, kalamidad ug korapsiyon sa gobyerno. Sa programa sa kulukabildo, mga artista nga gikasal giinterbyo sa mahalon nilang terno. Ug ang gikalingawan nga reality show gipasidaan aron di hilab- angan.
Sa kan- anan may mga inadlawng peryodiko nga nagdalag mga hulagway sa dugang krimen.
Nahibaloan ni Niko nga tagsa rang magpakita si Hari Vishnu sa publiko. Pinasagdan niya ang iyang katawhan sa panginabuhi. Apan nagsige siya og padugang og buhis.
Nasiplatan ni Niko sa bildong bungbong ang mga tawo sa gawas. May trak nagsiren. Sakay mga sundalo sa batalya. “Mga mananakop,” matod sa silbedor. “Mga polis lang. Nganong kargada?” matod ni Niko. “Linti ang mga kriminal.” Ug namatikdan ni Niko ang upawon nga iyang nabun- og. Kini may mga hinanib.
“Naay mga naghulat nimo, Sir,” matod sa silbedor nga mipahimutang sa iyang kalan- on ug ilimnon sa lamesa. “Unsay ilang tuyo?” “Akong sukton.” Lagsik nga migawas ang silbedor ug nakigsulti sa mga tawo. Mibalik pagsulod. “Makighimamat nimo.”
Nangabot sa kan- anan ang bag- ong mga higala ni Niko. Miwara- wara kaniya ang uban. Giisip na nila siya nga bayani. “Ingon niana ang kamabaw sa pag- ila og bayani. Modaog ka sa sumbagay ug bayani ka na,” matod ni Niko sa iyang kaugalingon. Nahinumdom siya sa mga mananaog sa mga reality show. Pagakpak, suliyaw. Miping- it siya, misugmat ang iyang sakit. “Dunay tulo ka tinubdan sa kahibalo dinhi,” matod sa tambok nga negosyante atbang ni Niko sa lamesa. Madasigon ang tanan. “Asa ta una magpalista?” matod sa lain. “Matod sa giya ang Aumakua pinalabi,” matod sa negosyante. “Ang Lono sa salabotan. Ang Ku sa mga militar.” “Magsusi- susi ko,” matod ni Niko. Sa bildo nakita ni Niko nga gitudlo siya sa iyang nasumbagan ngadto sa mga kauban nga hitsurag mga maton. Misugmat ang sakit ni Niko. Diay kini duyog sa kabalisa. “Gipaningot ka,” matod sa bungotong higala. “Giinitan lang og diyotay ako,” matod ni Niko nga miahat pagpahiyom. “Bugnaw man ang erkon.” “Tingali sa akong nakaon. Way kaso.” Miinom si Niko sa bugnawng tubig. Mibagting ang dakong taknaan sa bungbong. “Takna na,” matod sa negosyante. Nasiplatan ni Niko nga siya gitutokan sa silbedor ug ingon sa may ipahimangno bahin sa mga tawo sa gawas nga nagpaabot kaniya.
“Kusog nga mikatap ang hitabo sa pantalan. Dugokon akog mga utitod.” Kini ang diha sa hunahuna ni Niko pagpanggawas nila. “Dungog nga bakante. Nagtangag og kakuyaw.” (PADAYONON)
Sa ingon lang ba kasayon ang paghimo og bayani?