Lima Ka Adlaw Nga Pamagdoy Sa SOUTH KOREA
( Kataposang Gula) Pagpauli (Mayo 26)
ALAS 7:25 s.b. (6:25 s.b. sa Pilipinas) ang among biyahe gikan sa Incheon International Airport paingon sa NAIA busa igo ra ming nangape sulod sa among lawak sa hotel ug mingsakay og taksi paingon sa erport. Giubanan mi ni Marissa hangtod sa pre-departure area. Nagtimo-timo mig pre-cooked meals sulod sa departure area samtang nagpaabot sa among flight sakay sa ayroplano sa Philippine Airlines. Adto na mis kawanangan maniudto kay ang PAL nagdalit og libre nga pagkaon sa mga pasahero.
Mitugpa ang among ayroplano sa NAIA human sa upat ka oras nga paglupad sa kawanangan. Mas estrikto ang NAIA kaysa Incheon International Airport, busa walay baggage through check-in sa among pagpauli. Imong kuhaon ang imong bagahe sa baggage carousel ug human sa inspeksiyon sa customs, imong itsek-in sa imong connecting flight. Alas 3:20 sa hapon ang among connecting flight paingon sa Laguindingan Airport apan nalangan ang among biyahe og kapin sa oras busa mingkabat og unom ka oras ang among pagliningkora sa departure area. Kilumkilom na sa among pag-abot sa Laguindingan Airport.
Gitagbo mi sa among sakyanan nga gimaneho ni Emem (among kamanghorang anak). Nanihapon mi pag-abot namo sa Cagayan de Oro City. Nahinangop ang among mga dila sa among giorder nga chopsuey, tinulang malasugi ug sinugbang tiyan sa tuna. Natulog mi sa condo ni Faith sa The Courtyards sa Upper Carmen, Cagayan de Oro City.
Matod pa ni Mosli Eddin Saadi, “A traveler without observation is a bird without wings.” Busa kinahanglang maigmat m ang mata ug dunggan sa usa ka turista. tu u
Kini ang akong mga obserbasyon ug panabot p sa among pamagdoy sa Korea:
Una, sa pipila ka malamboong nasod nga akong ak a nataak (Japan, Singapore, Australia, Korea) K akong nakita ang disiplina sa mga tawo ta a ug ang estrikto nga pagpatuman sa gobyerno go g sa mga balaod. Kini makita sa hapsay ug limpyo nga kadalanan ug palibot, pagsunod sa regla sa trapiko ug paggamit sa a seatbelt (dunay balaod sa paggamit og seatbelt se e sa Pilipinas apan kalagmitan gamiton lang la a kini kon dunay manakopay). Usab, ang a an malamboong nasod nagmahal sa ilang kaugalingong kak pinulongan ug kultura.
Ikaduha, mahal ang mga palaliton ug serbisyo sa South Korea. Maong hayahay ang mga dayong turista sa Pilipinas kay barato ang mga hotel, serbisyo, resort, taksi, pagkaon ug palaliton sa Pilipinas.
Ikatulo, ang pagkaon sa South Korea puno sa sustansiya kay daghang sagol nga utanon, hilba, panakot, liso ug prutas. Apan alang sa wala maanad sa spicy nga pagkaon, dili niya matagamtam ang daghang tradisyonal nga mga pagkaon sa South Korea.
Daghang klase sa side dish nga kauban sa imong giorder nga pagkaon. Kini ang akong natilawan nga mga Korean banchan ( side dishes): kimchi (gigamos nga repolyo ug ubang utanon), kong namul munchim (gipaturok nga utaw), algamja-jorim (sinabawan nga patatas), japchae (ginisa nga patatas nga nodol nga may sagol nga utanon), eomukbok keum (keyk nga isda), gyeran-jjim (linung-ag nga itlog), chickin mu (binuro nga labanos), oisobagi (halang gigamos nga pipino).
Ako usab nga natilawan kining mosunod nga tradisyonal nga mga sabaw: miyeokguk (guso nga may sabaw sa baka), dakgomtang
(tinulang manok), galbitang (linat-ang gusok sa baka), bukeoguk (sabaw sa gibulad nga isda), gamjaguk (sabaw nga patatas), samgyetang (tinulang manok nga may sagol nga ginseng), tteokguk (sabaw nga keyk nga humay), mugok (sabaw sa piniritong labanos), seolleongtang (linat-ang bukog sa baka) ug gulguk (sinabaw nga talaba).
Ang tradisyonal nga pagkaon nga among naorder sa mga restawran mao kining mosunod: bulgogi (hinumolan nga hiniwa nga karne), samgyeopsal (sinugbang tiyan sa baboy), japchae (sabaw nga nodol nga hinimo sa patatas), seolleongtang (sabaw sa bukog sa baka).
Kini ang tradisyonal nga mga street food sa Korea nga akong nakita apan pipila lang ang akong natilawan: teokbokki (keyk nga humay) twigim ( Korean-style nga tempura), gimbap (Koryano nga sushi), mandu ( dumplings), myeon (nodol), pajeon (bitsukoy o hatkeyk), odeng, hotteok (bunwelos o dunat), gyeranppang ( egg muffins), gamjado (longganisa nga may mantekelya) ug dakkochi (sinugbang manok nga gituhog uban sa sibuyas).
Ikaupat, lisod ang pagsuroy-suroy sa South Korea kon wala kay kauban nga makabasa sa ilang alpabeto ug makasulti sa ilang pinulongan. Gisugyot ang pag- download sa selpon sa Google Translate alang sa libreng serbisyo sa dihadihang paghubad sa mga pulong ug pulongan ( phrase). Maayong mokuha og guided tour. Iningles ang sinultihan sa mga tour guide alang sa mga turistang dayo ug daghang tour package nga kapilian.
(KATAPOSAN)