Tupas Pindatos: Unang Adlaw Sa Septiyembre

Tuig 1565, ikaunom nga ekspedisyon sa kadagatan Sa S pagrumbo b ni iL Legazpi i sa Sb Sugboanong kadagatan kd Gilayon, gihasi, gikanyonaso nila ang lapyahan! Sa kalisang, Naneguro aron dili madalahig, Gilikay ang kabataan, kababayen-an ug katigulangan. Ug busa nagsugyot kini sa Quinientos Pintados sa pagbansay-bansay Nga gimando ni Raja Tupas Busa sulod-gula sa mga langob ug sa tinagong mga lugot Kinahanglan andam kanunay sa mga mapasipad-on Nga mingtugaw sa kalinaw. “Barog ug bakyawa inyong kaisog! Ania ako, andam mobarog!” Sa 1969, sa unang adlaw sa Septiyembre Kota gikalitag atake sa mga ugis nga langyaw, ug nga, Ulhos-ulhos, adlawg gabii ang panagtigi sa mga panagpingki sa suwab Sa pinuti ug sa nagkayo nga kaisog Nagpungasi ang tinigbasay, tinudyokay. Garote maoy naglabi, mga manunulong gipang-ulisi. Dehado, mitiyabaw sa kasakit ug nagkisikisi Batok sa kaabtik ug kaisog sa mga Sugboanon Inabagan sa Portuguese sa kadagatan Mga malupigong dayo nasipong ug gialirongan; Maayong pagka lukong, way suok nga kadaganan! Ug nianang ikakawhaag tulo sa Marso sa tuig 1570 Gikanyonaso ang Fort San Pedro ni Periera Gonzalo Daw nakakitag multo, nalisang sa nagdilaab nga kalayo Ug sa kawala nay mahimo, miisa sa mga kamot, miyukbo Sa kaparotan ug nahitakluhod sanglit sila na man upod Ang nameligro ug nagpangitag kalutsan, Busa Iloilo na usay ilang girumbo aron dili maintimano Human sila mokalawat sa kaigmat Sa mga Sugboanong manggugubat; ug ang Quinientos Pintados Ug si Raja Tupas takos ipasigarbo. Sa kaisog Nga naglatay sa kaugatan sa kaliwat nga tabunon! WARFE T. ENGRACIA KGOR, SCODA, MD (City’s Ambassador to the Malay World (07-2786)