SA AMONG MGA MAGTATAMPO:
Nabatasan na sa kasagarang mga magtatampo nga dili kompleto o tukmang ngalan ang gigamit nga byline sa ilang mga sinulat. May nanaggamit lamang sa ilang mga angga ug may pipila nga mingtuyo gayod pagtago sa ilang kaugalingon pinaagi sa takobang ngalan ( pseudo name).
Kini dili daotan, gani, sukad pa man kini kaniadto sa panahon nila ni Dr. Jose Rizal nga migamit sa dagangalang “Laong Laan”; Del Pilar sa iyang
“Plaridel” ubp. Apan gisangpit lang namo ang si kinsa mang magtatampo nga naghimo niini sa pagpaila ug pagsubmiter sa tukma nilang ngalan ngari kanamo aron kalikayan ang posibleng komplikasyon unya sa pagpahigayon sa bayad sa ilang mga hinagoan.
Angayng hinumdoman nga ang pagpamayad pinaagi na sa mga ATM Account (Landbank) busa, importante kaayo nga ang ngalang mabutang sa Payroll tukma usab sa Account name sa awtor o tagsulat.
Hinuon, kadtong dugay nang magtatampo ug nailhan na namo, ilabi na kadtong naka- submit na sa ilang ATM
Account, dili na kinahanglang mosanong ning maong panawagan. Daghang salamat. – Editor