MIRROR OF FORTUNE
( ANG INYONG KAPALARAN SA ENERO 1 – 15, 2020)
PISCES – (Pebrero 20 – Marso 20) – Niining mga semanaha daghan kag matapos nga buluhaton. Makadawat kag abiso bahin sa imong aplikasyon nga makatabaho sa abroad. Ayaw paglugak sa pagsangpit sa Ginoo. Masumok kag relasyon nga mosanag ang paglaom. Suwerte mong adlaw ang Domingo ug palaran mong numero ang 7, 4, 8.
ARIES – (Marso 21 – Abril 20) – Kapahimuslan mo na ang imong nakat-onan sa gitambongan mong pasinati. Ipaambit mo sa uban ang imong kahibalo. Daghan ang mahimuot sa gipakita mong maayong batasan. Makigdungan ka paghangos inigsangko sa kalalim. Biyernes ang suwerte mong adlaw ug 2, 1, 3 ang palaran mong numero.
TAURUS – (Abril 21 – Mayo 21) – Niining semanaha magnuod ang imong pagduda. Di na angay pang tukion mo ang hinungdan aron magpabilin ang maayong pagtinagdanay. Lugwayan pa ang imong pasensiya. Magpabilin kang malaomon. Matagbawon ang romansa. Suwerte mong adlaw ang Martes ug palaran mong numero ang 9, 5, 6.
GEMINI – (Mayo 22 – Hunyo 21) – Makabig ka sa kalihokang relihiyoso. Regular ka nang motambong sa mga aktibidad sa simbahan. Ipaambit mo sa uban ang imong nakat-onan bahin sa bag-ong pamaagi sa panguma. Magmalungtaron ang relasyon nga imong sudlan. Miyerkoles ang suwerte mong adlaw ug 5, 3, 4 ang palaran mong numero.
CANCER – (Hunyo 22 – Hulyo 22) – Niining mga semanaha moabot ang dugay na nimong gikahinaman. Mabanhaw ang kanhing mainiton nga panaglambigit. Magpabilin kang seryoso sa imong pagpaningkamot alang sa masanag nga umaabot. Makapiyong kas tumang kalalim. Suwerte mong adlaw ang Huybes ug palaran mong numero ang 6, 2, 7.
LEO – (Hulyo 23 – Agosto 23) – Makakita kag paagi nga daling masulbad ang giatubang mong problema. Di ka angayng mahingawa basta dako ang imong pagsalig sa Kahitas-an. Kinahanglan nga makanunayon kang magkugi. Mahilambigit kag binuhat nga mounong kanimo. Lunes ang suwerte mong adlaw ug 3, 5, 9 ang palaran mong numero.
VIRGO – (Agosto 24 – Septiyembre 23) – Niining mga semanaha ipadayon mo ang nasugdang proyekto. Panglimbasogan mong matapos kini sa di pa moabot ang dedlayn. Malingaw ang tibuok pamilya sa pasiaw sa kamanghoran. Kontrolon mo ang nag-alintabong pagbati. Suwerte mong adlaw ang Domingo ug palaran mong numero ang 4, 1, 7.
LIBRA – (Septiyembre 24 – Oktubre 23) – Di mo angayng patuyangan ang katapol. Daghan kang asikasohon alang sa imong pamilya. Doblehon pa ang imong lihok aron makasalbo ang imong kinitaan. Di mo palabyon ang itanyag kanimo. Pahinuntan mo ang aghat sa kidhat. Biyernes ang suwerte mong adlaw ug 8, 6, 9 ang palaran mong numero.
SCORPIO – (Oktubre 24 – Nobiyembre 22) – Niining semanaha kinahanglang tumanon mo ang imong gisaad. Lisod na kon mawala ang pagsalig sa imong mga suki. Angayng dugangan pa ang imong mga tinda. Makapadasig ang madawat mong balita. Lami ang masinati mong romansa. Suwerte mong adlaw ang Sabado ug palaran mong numero ang 3, 2, 6.
SAGITTARIUS – (Nobiyembre 23 – Disyembre 21) – Masangkaron ang imong pagpanglimasog. Hatagan kag grasya tungod sa imong pagka maampoon. Ipadayon ang imong pagdasig sa kabatan-onan nga mahilambigit sa kalihokan sa simbahan. Di ka makabalibad sa ihunghong kanimo. Martes ang suwerte mong adlaw ug 8, 4, 5 ang palaran mong numero.
CAPRICORN – (Disyembre 22 – Enero 21) – Niining mga semanaha matuman na ang imong gipangandoy. Mohatag kag donasyon sa simbahan agig pasalamat sa nadawat mong grasya. Moboluntaryo kang motudlo bahin sa katekismo. Molahutay kang mosabot sa imong gimahal. Suwerte mong adlaw ang Miyerkoles ug palaran mong numero ang 7, 3, 9.
AQUARIUS – (Enero 22 – Pebrero 19) – Mobalik pag-askil ang imong panglawas. Ipadayon ang regular mong pag-ehersisyo. Kinahanglan nga morelaks ka human sa masubsob mong pagtrabaho. Kapahimuslan mo ang gihagoan mong pagtuon. Maanod ka sa agni sa pahiyom. Huybes ang suwerte mong adlaw ug 5, 1, 4 ang palaran mong numero.