MGA LAGDA SA TIGI SA SINULATAY SA LUDABI-VALENCIA CITY

1. Ang Tigi alang lamang sa tulo kategoriya: Sugilanon, Gumalaysay ug Balak nga bukas sa mga magsusulat nga nagagikan sa Luzon, Kabisay-an ug Mindanao;

2. Ang Tigi magsugod sa Oktubre 1, 2020 hangtod sa Nobiyembre 30, 2020. Ang mga ganti mao kining mosunod:

Unang Ganti: P5,000 Ikaduhang Ganti: P3,000 Ikatulong Ganti: P2,000

3. Ang matag salmot nga Sugilanon pito (7) ngadto sa napulo (10) ka panid; ang Gumalaysay, upat (4) ngadto sa unom (6) ka panid ug ang Balak dili molabaw sa duha ka panid.

4. Mahimong isalmot ang wala pa mapatik ug napatik na nga sugilanon, gumalaysay ug balak.

5. Kinahanglan nga ang salmot nga sugilanon, gumalaysay ug balak wala pa makadaog og dakong ganti (una, ikaduha o ikatulo nga ganti) sa bisan unsang tigi sa sinulatay ug ang magsusulat maghimo og “Panghimatuod” mahitungod niini; 6. Matag sumasalmot tugotan lamang og duha (2) ka tampo sa matag kategoriya;

7. Sa matag kategoriya, usa lamang ka ganti ang mahimong dag-on sa matag magsusulat. Ang dakong puwesto/ganti lamang ang iyang maangkon;

8. Ang matag salmot kinahanglan nga makinilyado o computer printout sa usa ka mubo nga bond paper (8 1/2” x 11”) sa tagurha ka lab-ang. Ang ngilit (margin) usa ka pulgada sa matag kilid. Himoon nga upat (4) ka kopya nga isulod sa taas nga sobre o brown envelope uban sa resibo sa Pera Padala ug “Panghimatuod”;

9. Ang matag salmot nga sugilanon, gumalaysay ug balak kinahanglan nga Ulohan ra ang isulat;

10. Ang ulohan, ngalan sa tagsulat, adres, selpon namber ug pirma kinahanglan isulod sa gamayng sobre, takpan ug selyohan. Ang maong sobre sulatan lamang sa Ulohan ug Kategoriya;

11. Ang matag tampo dunay bayranan ( entry fee) nga P100 ug ang total nga bayranan ipadala sa Cebuana-Lhullier, Palawan Express o uban pang mga Pera Padala ngadto ni Amelia C. Bojo (CP # 09173997732) sa Valencia City, Bukidnon;

12. Ang LUDABI-VALENCIA CITY adunay katungod sa paghikling sa mga namatud-an nga nakalapas sa bisan hain niining mga lagda. Ang entry fee dili na ibalik sa tagsulat;

13. Ang Ludabi-Valencia City adunay katungod sa pagpatik sa mga mananaog nga mga sugilanon, gumalaysay ug balak;

14. Ang hukom sa Hunta sa mga Maghuhukom pagailhong pinal ug dili na matuis;

15. Ang resulta sa Tigi ipahibalo sa Bulan sa Enero, 2021. Walay panagtapok nga himoon. Ang ganting salapi ipadala sa mga mananaog pinaagi sa Pera Padala. Digital o soft copy nga mga “Sertipiko sa Pagdaog” ang ipadala ngadto sa mga mananaog.

16. Ang mga salmot adto ipadala/ ipadangat sa LUDABI-VALENCIA CITY, c/o Emeterio S. Sumagang, CSCAVCI Office, Barangay Hall, Poblacion, Valencia City, Bukidnon.

Nagpahibalo: EMETERIO S. SUMAGANG, Pamuno, Lubas sa Dagang Bisaya-Valencia City.

[email:emesumagangsr@yahoo.com]

KRAYTERYA

Sa mga motampo sa Tigi sa Sinulatay sa Lubas sa Dagang Bisaya (LUDABI)Valencia City, kini ang mga krayterya nga basehan kon kinsa ang mahimong mga mananog sa sugilanon, gumalaysay ug balak: 1. Craftsmanship & Artistry (Estilo, Teknik, Estratehiya ug Ubang Maniobra sa Pagsulat) — 50% 2. Language Mastery (Kabatid sa Pinulongan) — 20% 3. Content & Social Relevance (Kaugdangon ug Kahinungdanon) — 30%

(Una sa Tulo Ka Bahin)

SA hilom nga pagpalakaw sa mga damgo nga gila’ ni Nasodnong Pamuno Mlbn. Leo M. Zaragoza, atol sa pagpapanumpa sa mga haligi sa Ludabi-Cebu Chapter kaniadtong Nobiyembre 19, 2017 didto sa Harang Dakbayan sa Sugbo (Cebu Technological University - CTU) diin gipang-apodapod ang bag-ong nabanhawng Ludabi Magasin ug ang bag-ong haon nga mga hulad nga mogula matag trimestre ( quarterly) nga usa ka pet project sa administrasyon ni Atty. Zaragoza. Mapahiyomon ang mga Ludabinhon nga mingdawat sa hulad ug nakayango-yango sa kahimuot nga ang Ludabi aduna na gayoy budyong nga maghatod og mga kasayoran sa iyang kalihokan sa matag karon ug unya. Lanog nga pagakpak alang sa Ludabi ug kulyar sa mga bulak alang sa iyang mga lider.

Ang editorial board ning maong magasin mao sila si: Emiliano C. De Catalina, editor; Dr. Julito F. Roco, advertisement manager; Eufemio M. Flores, circulation manager; Joanna Z. De Catalina, layout artist; Imelda Perez, mamahandi. Ang mga magtatambag mao ang mosunod: Mlbn. Adelino B. Sitoy, Mlbn. Cesar P. Kilaton, Jr. ug Ginong Marcelo A. Geocallo.

Ang buhatan sa Ludabi Magasin nahimutang sa function room sa ICT Building, 4th Floor, Cebu Technological University (CTU), sa mga Dalan M. J. Cuenco ug Palma, 6000 Cebu City. Ang tema nga gibansiwag niini mao: “BINISAYANG PINULONGAN: Dakog Kalabotan sa Katikaran sa Departamento sa Kultura ug sa Alampat”.

Makabuhong ang undanong mga dalit sa iyang maiden issue (Nobiyembre

19, 2017) diin naghimo usab og bus-ok nga panud-ong sa mga lakang ug pamayhon sa Ludabi sa gidugayon sa paglungtad niini si Ernesto A. Amatiaga sa iyang sinulat nga naglabyog sa mga lanot sa Ludabi— “Ang LUDABI, Kagahapon ug Karon”. Sa laing bahin, si Mlbn. Leo M. Zaragoza nagbatbat usab sa iyang sugibalak nga nagtabilawan sa kagubot sa Marawi nga nag-ulohan og “Kalinaw sa Mindanao”.

Tungod kay ang Ludabi natukod ug nagsugod diha sa kalibotan sa mga magdadagang; ug ang unang mga proyekto niini mao ang pagpasiugda og mga tigi sa sinulatay, busa si Mlbn. Cesar

May pipila nga naglabi pa ang kalimot kay sa paghinumdom og mga mahinungdanong alasoyong hitabo o mga butang, ug nga, matod pa niya, lakip ang mga ngalan sa tawo…

P. Kilaton, Jr. naghimog wiris-wiris sa dasok niyang panud-ong labot sa kahimtang sa mga magsusulat. Nagbansiwag ang iyang, “Unsay Kaugmaon sa Magsusulat? Ang kaugmaon gihagawhaw sa usa ka pangutana, apan sayod siya nga bugtong makadisenyo og reyalidad mao ra gayod ang panahon.

Si Ernesto A. Amatiaga misaling-it sa iyang hunahuna diha sa iyang matulun-anong sugilagming nga nag-ulohan og “Bugti”. Basaha ug panamini. Ug sud-onga ang kinabuhi sa langyab nga wanang sa imong handurawan.

May katinuoran ang liriko sa awit nga ang “kalimot way gahom” nga maoy labing mangtas harongon sa tawo sa katuigan ug nahimong dangilag sa tibugol sa hunahuna sa usa ka Palanca awardee nga Alagad-sa-Diyos, usa ka Third Order Regular

(TOR) si Padre Jonecito R. Saguban sa iyang byline nga Jon Saguban kinsa nagagikan sa Dakbayan sa Iligan ug Davao diin siya nagdumala og seminaryo ug iyang gipatandayan og pahimug-at sa reyalidad nga sa tawo, inig-abot sa katigulangon himatikdan niya sa hinay-hinay nga maorag mawala siya sa iyang kaugalingon. Paghibatian na niya nga magkaanam og hulpa ang iyang panumdoman. May pipila nga naglabi pa ang kalimot kay sa paghinumdom og mga mahinungdanong alasoyong hitabo o mga butang, ug nga, matod pa niya, lakip ang mga ngalan sa tawo.

Ang gumalaysay ni Jon Saguban, “Kalimot” gisulat sa dagang nga bakyano ug maoy hinungdan nga nahimo kining mananaog sa Unang Ganti sa tinuig nga tigi sa sinulatay sa Bathalad-Mindanao 2017. Si Saguban usa usab sa nakagordo sa prestihiyosong Carlos P. Palanca Memorial Awards in Literature sa Kaulohan ug nafellow usab siya sa Summer Writers Workshop sa MSU-IIT sa Dakbayan sa Iligan. Ug usa sa giila nga aktibong tighubad sa mga ugmad nga literaryo, sugilanon ug mga nobela gikan sa Binisaya. Siya usay taghubad sa nobela ning tagsulat, “Ang Kabilin nga Kampilan” ug naghubad usab sa mga mananaog niining mga sugilanon nga gipunpon ngadto sa usa ka antolohiya, “Aguyangyang and Other Stories”. Gihubad usab niya ang

Iningles nga nobela ni Antonio Enriquez, ang “Liguwasan Marsh” ngadto sa Binisaya, “Ang Mga Surbeyor sa Liguwasan Marsh”. Mapalit na karon ang maong mga kopya.

Si Dr. Julito F. Roco mipahimug-at usab sa kaayohan nga makuha kon mahitabo man ugaling ang kausaban sa sistema sa atong pangagamhanan ngadto na sa Pederalismo sanglit mao man kini karoy nanglagtiw nga mga aligato niadtong nanaghisgot og politika ug kausaban sa Batakang-Balaod.

Ang Ludabi Magasin maoy nagpatunga nga kuyme ug mamahimong ayagan sa mga pro ug con sa maong isyu. Anhi unya dinhi matataw ang timgas nga mga inayag nga magagikan gayod sa mga lungsoranon. Gawas niining maong unang mga potahe sa Ludabi Magasin, mabasa usab ang laing mga til-ogon sa utok gikan sa mga tigpaniksik ( researcher) nga mao sila si: Serapion N. Tanduyan, Jiezel L. Nudala, Eva F. Muaña, Gabriel T. Muaña, Jonar D. Gonzales. Nikki J. Bancale, Wilfredo G. Anoos, Leila A. Hobrero ug Asteria L. Macarimbang. Tanan nilang nadukiduki ug opinyon gihubad ni Wilfredo G. Anoos, LPT. MAEd. Ila kining giulohan og Pagpangisda nga Etnolingguwistikanhong mga Lugpong sa Pulo sa Camotes, Pusoran sa Pilipinas. —

Mapahiyomon ang mga Ludabinhon nga mingdawat sa hulad ug nakayango- yango sa kahimuot nga ang Ludabi aduna na gayoy budyong nga maghatod og mga kasayoran sa iyang kalihokan sa matag karon ug unya…