Mirror Of Fortune
( ANG INYONG KAPALARAN SA NOBIYEMBRE 1-15, 2020)
SAGITTARIUS – (Nobiyembre 23 – Disyembre 21) – Makalahutay na sa kompetensiya ang imong puhunan. Kinahanglan nga tun-an mog maayo kon unsay gusto sa imong mga kostumer. Ayaw kalimot sa paghatag og donasyon sa simbahan. Di mo kabalibaran ang gusto sa kapikas. Biyernes ang suwerte mong adlaw ug 6, 5, 3 ang palaran mong numero.
CAPRICORN – (Disyembre 22 – Enero 21) – Niining mga semanaha matapos ang gisulat mong sugilambong. Seguradong malingaw na usab ang imong mga magbabasa. Ug daghang mapunit silang pagtulun-an. Padayon kang madasigon. Pahinuntan mo ang awhag sa kahidlaw. Suwerte mong adlaw ang Martes ug palaran mong numero ang 7, 2, 8.
AQUARIUS – (Enero 22 – Pebrero 19) – Mahinayon kang mokuyog sa pagpanuroy sa tibuok pamilya bisan sa daghan mong trabaho. Kinahanglan nga makabawi ka sa imong mga anak nga nangluod na kanimo. Di ka mapiog sa mga pagsulay. Mobanos sa paghangos ang pag-utnga. Huybes ang suwerte mong adlaw ug 1, 6, 5 ang palaran mong numero.
PISCES – (Pebrero 20 – Marso 20) – Niining mga semanaha may mohatag kanimog maayong suhestiyon. Makatabang kini nga molagsik ang imong puhunan sa nagkaluya mong negosyo. Ayaw kalimot sa pag-ampo aron magmalamposon ka. Madani kas hawot nga pahiyom. Suwerte mong adlaw ang Sabado ug palaran mong numero ang 2, 3, 6.
ARIES – (Marso 21 – Abril 21) – Tagdon mo ang tawag sa balaanong buhat. Makigdait ka sa imong kaigsoonan nga nagkalisod-lisod. Makahatag og inspirasyon ang imong mga tambag. Way makababag sa maayo mong tinguha. Tugbangan mo ang dalit sa kahinam. Domingo ang suwerte mong adlaw ug 5, 6, 7 ang palaran mong numero.
TAURUS – (Abril 21 – Mayo 21) – Niining mga semanaha hingpit na ang hukom nga paundayonan mo na lang ang imong igsoon. Mosugot ka nga siya lang una ang moeskuyla. Mopadayon ka na lang sa pagtrabaho aron makatabang niya. Makalikay ka sa hadla sa tentasyon. Suwerte mong adlaw ang Biyernes ug palaran mong numero ang 3, 8, 6.
GEMINI – (Mayo 22 – Hunyo 21) – Madugangan ang imong kadasig sa masayran mong kamatuoran. Dako ang posibilidad nga magmalamposon ang giplano mong negosyo. Dako kinig ikatabang nga makahatag og trabaho sa imong kaigsoonan. Mosamot kamainiton ang romansa. Sabado ang suwerte mong adlaw ug 7, 3, 4 ang palaran mong numero.
CANCER – (Hunyo 22 – Hulyo 22) – Niining mga semanaha makadiskobre kag tinagoan nga makasulbad sa giatubang mong problema. Ampingan mo nga di makahatag og kagubot ang imong nasayran. Mas maayo nga magpakahilom ka na lang. Bation mo ang lahing kalipay. Suwerte mong adlaw ang Domingo ug palaran mong numero ang 2, 9, 1.
LEO – (Hulyo 23 – Agosto 23) – Makahakgom kag pagtulun-an sa tambongan mong pasinati. Ipaambit mo kini sa imong mga igsoong dupot maningkamot alang sa umaabot. Dako ang ikatabang kon magkasabtanay ang managsoon. Makawiwili ang romansa. Miyerkoles ang suwerte mong adlaw ug 9, 2, 5 ang palaran mong numero.
VIRGO – (Agosto 24 – Septiyembre 23) – Niining mga semanaha makuha mo ang pagtando sa suod mong higala. Mosugot siya nga mahimong kasosyo sa giplano mong negosyo. Pangunayan ninyong duha ang pagdumala niini. Makahibalag kag binuhat nga molipay kanimo. Suwerte mong adlaw ang Huybes ug palaran mong numero ang 1, 7, 6.
LIBRA – (Septiyembre 24 – Oktubre 23) – Mapalapdan mo ang pagtugkad sa kinabuhi human ka makatambong sa seminar. Kinahanglan nga iaplay mo ang imong nakatonan. Tinguhaon mo gayod nga mausab na ang imong hiwing batasan. Matagbawon ang salohang romansa. Domingo ang suwerte mong adlaw ug 5, 4, 3 ang palaran mong numero.
SCORPIO – (Oktubre 24 – Nobiyembre 22) – Niining mga semanaha alingahon mo ang nataligam-an mong asaynment. Kinahanglan nga magpakita kag maayong perpormans sa imong trabaho. Dako ang purohan nga maapil kang ipadala sa abroad. Makapiyong ka sa sobrang kalalim. Suwerte mong adlaw ang Lunes ug palaran mong numero ang 4, 2, 8.