Gari Escobar,
Adunay Mahinungdanong Papel Sa Kinabuhi Ang Musika
ANG versatile nga singer/ songwriter nga si Gari Escobar usa usab ka sertipikadong Waray. Ang iyang amahan nga si Florentino Gabriano nagdako sa Villareal, Samar, samtang ang iyang inahan usab nga si Gloria Escobar nagagikan sa Dakbayan sa Parañaque.
Si Gari gradrado og duha ka kurso gikan sa International Correspondence Schools. Niadtong tuig 2017, gihatagan siyag Honorary Doctoral Degree in Humanities sa University of Oklahoma, USA.
Nahilahi ang passion ni Gari pag- abot sa musika. Daghan na kaayo siyag na- compose nga kanta diin kadaghanan niini diha ra usab magagikan o diha ra usab niya kutloa sa personal niyang mga kasinatian sa kinabuhi.
Siya ang anaa sa likod sa self- titled album gikan sa Ivory Music nga adunay napulog duha ka cut nga gilangkoban sa mga kantang “Baguio”, “Dito Sa Piling Ko”, “Tama Na”, “Habang Nandito Pa Ako”, “From Friends to Lovers”, “Hanap Ko Pa Rin”, “Ayoko na Sayo”, “Ayaw Kong Makita Ka”, “Hindi Ka Na Muling Mag- iisa”, “Isang Halik Pa”, “Masisisi Mo Ba”, ug “Lumaban Ka”. Kadaghanan niining kantaha mao nga siya mismo ang nagsulat.
Bata pa lang, mahiligon na siya sa pagkanta. Kasagaran siyang pakantahon sa ilang titser sa sulod mismo sa lawak- saringan o kaha kon recess ilabi na kon adunay mga programa sa ilang tulunghaan.
Nakasuway sab siyag salmot sa mga amateur singing contest. Una, sa dihang diha pa siya sa grade 6 sa St. Anthony School. Second Place ang kinatas- an nga award nga nakab- ot niya sa pagsalmot sa mga singing contests.
Nailhan si Gari nga usa ka fan ug tigpaluyo sa OPM kun Original Pilipino Music.
Matod ni Gari, “Dapat po, sa ating mga Pilipino magsimula ang pagmamahal sa ating kultura, sa ating sining, at sa ating mga awitin. Kaya salamat po sa mga nagmamahal at sumusuporta sa OPM.”
Paapas pa niya, “Although marami rin akong favorites na foreign artists, the challenge is to help bring OPM to the world. Kaya ang songs ko po na inire- release ay 100 percent OPM.”
Daghan kaayo siyang gidayeg nga lokal ug langyaw nga mga artists sama nila ni Rico J. Puno ug Michael Jackson sukad pa niadtong panahon nga wala pa siya mosuway og kanta professionally. Sila si Eric Clapton, Paul McCartney, ug John Lennon usab maoy nahilakip sa nagsilbing inspirasyon niya sa pagmugna og musika.
Giila ang katakos ni Gari sa natad sa musika sa dihang gipasidunggan siya isip Breakthrough Artist of the Year sa Aliw Awards kaniadtong Disyembre 2020. Na- nominate sab siya dinhi isip Best Pop Artist.
Una niini, niadtong 2019 nakadaog si Gari sa PMPC Star Awards For Music isip New Male Recording Artist of the Year.
Giangkon ni Gari nga anaa magtuyok ang iyang kalibotan sa natad sa musika.
Matod niya, “Paggising ko po, after ko mag- pray ay music na agad. Para po siyang eyeglasses ng isang malabo ang mga mata. Very important po sa akin ang music, dahil para itong kaibigan na laging nandiyan, ano man ang nararanasan mo, hindi ka huhusgahan… pareho kayo ng nararamdaman.”
Si Gari usa ka lisensiyadong real estate broker na sukad pa niadtong1990’ s ug usa sa top brokers sa Moldex Realty ug matag bulan makadawat siyag recognition. Sa pagkakaron, malamboon kaayo ang iyang food supplement business.
Lakip sa plano niya sa umaabot mao ang pagprodyus og indie film ug makaakto niini. Isip pagpangandam, misangat na siya sa acting workshops.
Una, sa bantogan ug internationally acclaimed filmmaker nga si Direk Brillante Mendoza; unya gisundan kini ilawom sa award- winning actress nga si Flordeliza Salanga.
Gisundan kini sa duha ka online acting workshops, ilawom sa pagdumala ni Ms. Cherie Gil nga nailhan na kaayo ang kahanas sa pag- akting; ug ilawom kang Direk Jo Macasa sa GMA- 7.
Maoy pangandoy ni Gari nga makagama og pelikulang adunay moral lessons ug values nga ikatudlo sa mga tumatan- aw. O kaha mga pelikulang magpakita sa matahom nga mga lugar sa Pilipinas aron makatabang sa turismo sa nasod ug mamahimong mapasigarbohon ang mga Pilipino ng ipasundayag kini ug makita sa mga international film festival. —